خوشدل اور فہیم واپس آئے جو کہیں سسٹم میں نظر نہیں آئے، راشد لطیف اور دیگر کا اسکواڈ پر تبصرہ

پاکستان کرکٹ بورڈ (پی سی بی) نے آئی سی سی چیمپئنز ٹرافی 2025 کے لیے 15 رکنی اسکواڈ کا اعلان کردیا۔

15 کھلاڑیوں پر مشتمل اسکواڈ میں 4 تبدیلیاں کی گئی ہیں جنہوں نے آخری بار گزشتہ سال جنوبی افریقا میں ون ڈے سیریز کھیلی تھی۔

عبداللہ شفیق، محمد عرفان خان، صائم ایوب اور سفیان مقیم کی جگہ فہیم اشرف، فخرزمان، خوشدل شاہ اور سعود شکیل کو ٹیم میں شامل کیا گیا۔

اس حوالے سے جیو نیوز سے گفتگو میں سابق کپتان راشد لطیف کا کہنا تھاکہ صائم ایوب جیت کی ضامن بنے ہوئے تھے، انہیں سب سے زیادہ مس کیا جائے گا۔

انہوں نے کہا کہ ٹیم میں اوپنر نظر نہیں آرہا ہے، فخر کی واپس ہوئی ہے، شاید وہ سعود شکیل یا بابر کے ساتھ اوپننگ کریں۔

چیمپئنز ٹرافی کیلئے قومی ٹیم کا اعلان کردیا گیا

پی سی بی نے سہ فریقی سیریز اور چیمپئنز ٹرافی 2025 کے لیے قومی ٹیم کا اعلان کردیا۔

ان کا مزید کہنا تھاکہ خوشدل شاہ، فہیم اشرف واپس آئے جو کہیں سسٹم میں نظر نہیں آئے، آسٹریلیا گئے زمبابوے اور جنوبی افریقا گئے کچھ پلیئر ٹیم کا حصہ نہیں تھے۔

سابق کپتان کا کہناتھاکہ میرے خیال سے سلیکشن کمیٹی کی بہت زیادہ تیاری نہیں تھی ہمیں چیمپئنز ٹرافی کس طرح کھیلنی ہے، اچانک سے کچھ پلیئر آئے، پلیئر سب اچھے ہیں، لیکن ان کے کرکٹنگ کیرئیرمیں بڑا گیپ ہے۔

اسی حوالے سے سکندر بخت کا کہنا تھاکہ مجھے بھی اسکواڈ پر تحفظات ہیں، راشد لطیف نے بھی بولا فخر کے ساتھ تا بابر اوپننگ کریں گے، اس کے بعد سعود، کامران اور رضوان ہوں گے۔

انہوں نے کہا کہ ایک دو سال سے کہہ رہا ہوں وکٹ کیپر بنائیں، عثمان پر اعتراض ہے اور  اس لیے ہے یہ پاکستان میں کھیلتا ہی نہیں ہے جو بیچارے 3 ہزار کرکٹ کھیل رہے ان میں سے کوئی وکٹ کیپر نہیں ملا اس کو اسکواڈ میں ڈال دیا۔

انہوں نے مزید بتایاکہ عثمان کی کوئی خاص پرفارمنس نہیں 18 ٹی ٹوئنٹی کھیلے ہیں جس میں 232 رنز ہیں 3 فرسٹ کلاس میچ کھیلے ہیں اور ون ڈے میچز کھیلے ہوئے نہیں ہیں۔

سکندر بخت کا کہنا تھاکہ خوشدل نے آخری میچ 2022 میں کھیلا ان کو اس لیے لیا گیا بنگلادیش میں کھیل رہے ہیں وہاں جا کر چھکے مار لیے، ہمیں یہ طے کرنا ہے ہماری ڈمیسٹک کرکٹ اہم ہے یا جو لیگ میں جو کھیل لیتے ہیں ان کو لے کر آجاتے ہیں۔

ان کا کہنا مزید کہنا تھاکہ فہیم اشرف کہیں بھی نہیں تھے صرف یہ کہوں گا انہوں نے ایک تصویر کھنچوا کر چھپوائی تھی، جس کی وجہ سے وہ آگئے میں نام نہیں لوں گا۔

خیال رہے کہ چمپئنز ٹرافی اور سہ فریقی سیریز کیلئے پاکستان کا 15 رکنی اسکواڈ میں بیٹرز بابر اعظم، فخر زمان، کامران غلام، سعود شکیل، اور طیب طاہر شامل ہیں جبکہ آل راؤنڈرز میں فہیم اشرف، خوشدل شاہ اور سلمان علی آغا (نائب کپتان) اسکواڈ کا حصہ ہیں۔ قومی اسکواڈ میں وکٹ کیپر بیٹرز محمد رضوان (کپتان) اور عثمان خان بھی شامل ہیں۔

بولرز میں اسپنر ابرار احمد اور فاسٹ بولرز حارث رؤف، محمد حسنین، نسیم شاہ اور شاہین شاہ آفریدی کو شامل کیا گیا ہے۔