01 فروری ، 2025 
حکومت کا ایک سال پورا ہونے پر وزیراعظم کا کابینہ ارکان کی کارکردگی کا جائزہ لینےکا فیصلہ
01 فروری ، 2025
اسلام آباد: وفاقی حکومت کا ایک سال پورا ہونے پر وزیراعظم شہباز شریف نے کابینہ ارکان کی کارکردگی کا جائزہ لینے کا فیصلہ کیا ہے۔
وزیراعظم کی جانب سے ایک ہدایت نامہ تمام وزارتوں کو جاری کیا گیا۔ وزیر اعظم نے ایک سال میں ہونے والی اصلاحات پر عملدرآمد رپورٹ طلب کرلی ہے۔
وزیراعظم نے ایک سال میں مختلف وزارتوں اور محکموں میں دی گئی نوکریوں کی تفصیلات بھی طلب کی ہیں۔
وزارتوں سے جواب طلب کیا گیا ہے کہ سرکاری اداروں میں اصلاحات لانے میں کتنی کامیابی ملی۔
ذرائع کے مطابق وزیراعظم وزارتوں اور محکموں کی کارکردگی رپورٹ خود جانچیں گے۔
ذرائع کا کہنا ہے کہ وفاقی حکومت رواں سال ایک لاکھ 50 ہزار خالی سیٹوں کو ختم کر دے گی، سرکاری محکموں میں ڈیلی ویجز کی سیٹیں بھی ختم کر دی جائیں گی۔
