04 فروری ، 2025 
خلا سے لی گئی اس تصویر میں برج الخلیفہ کو تلاش کرسکتے ہیں؟
04 فروری ، 2025
انٹرنیشنل اسپیس اسٹیشن (آئی ایس ایس) میں موجود امریکی خلائی ادارے ناسا کے خلا باز ڈون پیٹیٹ نے دنیا کی بلند ترین عمارت برج الخلیفہ کی منفرد تصویر شیئر کی ہے۔
یہ اس لیے منفرد ہے کیونکہ اسے خلا میں آئی ایس ایس سے کیمرے کی آنکھ میں محفوظ کیا گیا۔
تصویر میں دبئی شہر کو رات کے وقت روشنیوں سے جگمگاتے ہوئے دکھایا گیا ہے۔
ڈون پیٹیٹ نے اس تصویر کو ایکس (ٹوئٹر) پر شیئر کیا۔
اس تصویر کو زمین کی سطح سے 400 کلومیٹر بلندی سے کھینچا گیا۔
تصویر کے ساتھ کیپشن میں خلا باز نے کہا کہ یہ دنیا کی بلند ترین عمارت برج الخلفیہ ہے جو خلا سے ایسی نظر آتی ہے۔
ان کی جانب سے ایک اور تصویر بھی جاری کی گئی جس میں شہر کو زیادہ زوم کیا گیا اور برج الخلفیہ کو شناخت کرنا زیادہ آسان ہوگیا۔
ڈون پیٹیٹ کی تصویر میں اس مصنوعی جزیرے کو بھی دیکھا جاسکتا ہے جو پام درخت کی شکل کا ہے اور تصویر کے بائیں کونے پر موجود ہے۔
خلا باز کے مطابق یہ تصویر ستمبر 2024 کی ہے۔
خیال رہے کہ برج الخلفیہ کی تعمیر 2004 میں شروع ہوئی تھی اور جنوری 2010 میں اسے عوام کے لیے کھولا گیا۔
جب سے یہ دنیا کی بلند ترین عمارت ہے اور فی الحال کچھ برسوں تک یہ اعزاز اسی کے پاس رہنے کا امکان ہے۔
مزید خبریں :
تنہائی سے بچنے کے لیے جیل جانے کو ترجیح دینے والی خاتون
03 فروری ، 2025
دنیا کے تیز ترین انسان جتنی تیزی سے دوڑنے والا روبوٹ
02 فروری ، 2025
جرمن انجینئر نے زیرِ آب رہنے کا عالمی ریکارڈ بنا ڈالا
02 فروری ، 2025
سمندر میں گر جانے والا کیمرا 8 ماہ بعد دوبارہ مالک کو مل گیا
01 فروری ، 2025
نیوزی لینڈ نے اس پہاڑ کو ایک زندہ انسان کیوں قرار دیا؟
31 جنوری ، 2025
کسی جوڑے کی شادی کتنی کامیاب ہے؟ یہ جاننا ایک طریقے سے بہت آسان
30 جنوری ، 2025
روبوٹس کے بالکل انسانوں جیسے رقص نے لوگوں کو دنگ کر دیا
30 جنوری ، 2025
