06 فروری ، 2025 
اُدت نارائن کی خاتون مداح کے ساتھ اسٹیج پر نامناسب حرکت، عرفی جاوید کا تبصرہ وائرل
06 فروری ، 2025
بالی وڈ کے سینئر گلوکار ادت نارائن کی جانب سے خاتون مداح کو اسٹیج پر بوسہ دینے کی حرکت پر اداکارہ عرفی جاوید بھی خاموش نہ رہ سکیں۔
حال ہی میں عرفی کا ایک انٹرویو کلپ وائرل ہوا جس میں ان سے ادت نارائن کے تنازع پر سوال پوچھا گیا، اس کے جواب میں اداکارہ نے مسکراتے ہوئے طنزیہ گنگنایا 'کس کس کو پیار کروں میں، کس کس کو دل دوں میں'۔
عرفی جاوید نے کہا 'ابھی ان کی عمر ہی ایسی ہے، وہ ابھی 69 برس کے ہوئے ہیں، اس عمر میں ہوتا ہے، آپ انہیں قصوروار نہیں ٹھہرا سکتے'۔
واضح رہے کہ ادت نارائن کی ایک ویڈیو وائرل ہوئی تھی جس میں وہ 1994 میں ریلیز ہوئی فلم 'موہرا' کا مشہور گانا 'ٹپ ٹپ برس پانی' گارہے تھے کہ ایک خاتون مداح اپنے فون کے ساتھ اسٹیج کے قریب آئیں اور گلوکار کے ساتھ سیلفی لینے کی خواہش کا اظہار کیا۔
ادت نارائن اسٹیج پر رہتے ہوئے نیچے کی جانب جھکے، خاتون کے سیلفی لیتے ہی گلوکار نے مداح کے لبوں پر بوسہ دے دیا جسے دیکھ کر سوشل میڈیا صارفین سمیت ادت نارائن کے مداحوں کی بھی حیرت کی انتہا نہ رہی۔
ویڈیو کے آن لائن منظر عام پر آنے کے بعد بہت سے لوگوں نے گلوکار کو تنقید کا نشانہ بنایا اور گلوکار سے مطالبہ کیا کہ انہیں اپنے کیے پر شرمندگی کا احساس ہونا چاہیے اور معافی مانگنی چاہیے۔
جواب میں ادت نارائن نے بھارتی میڈیا سے گفتگو کرتے ہوئے اپنے اس عمل کا دفاع کیا اور کہا کہ ان کا یہ عمل محض ان کے مداحوں کے لیے پیار کا اظہار تھا۔
مزید خبریں :
ماورا حسین اور امیر گیلانی کی شادی کی خبریں زیر گردش
05 فروری ، 2025
مفتی قوی کی راکھی کو شادی کی مشروط پیشکش، اداکارہ کا ردعمل آگیا
05 فروری ، 2025
علیحدہ گھر میں رہنے کی وجہ سے طلاق کا تناسب بڑھ رہا ہے: منیب بٹ
04 فروری ، 2025
