07 فروری ، 2025 
گوگل میپس استعمال کرنیوالوں کیلئے اچھی خبر، نیا فیچر تجربہ مزید بہتر بنائے گا
07 فروری ، 2025
گوگل میپس میں ایک ایسا نیا فیچر متعارف کرایا جا رہا ہے جو آپ کو ضرور پسند آئے گا۔
گوگل میپس کا یہ فیچر ان صارفین کے لیے مددگار ثابت ہوگا جو گاڑیوں کے مالک ہیں۔
9 ٹو 5 گوگل کی ایک رپورٹ کے مطابق گوگل میپس میں نیوی گیشن کے دوران صارفین کو اپنی گاڑی کے آئیکون کو کسٹمائز کرنے کی سہولت فراہم کی جا رہی ہے۔
4 سال قبل گوگل کی جانب سے نیوی گیشن اسکرین میں میپس صارفین کو ان کی گاڑیوں کا روپ بدلنے کی سہولت فراہم کی گئی تھی۔
اب تک گوگل میپس میں گاڑیوں کے 4 آئیکونز دستیاب تھے، جن میں ایک ریگولر ایرو کا آئیکون تھا، دوسرا زرد ایس یو وی، تیسرا سرخ گاڑی اور چوتھا سبز پک اپ ٹرک کا آپشن تھا۔
مگر اب اینڈرائیڈ ڈیوائسز کے لیے گوگل میپس میں گاڑیوں کے آئیکونز کو کسٹمائز کرنے کی سہولت فراہم کی جا رہی ہے۔
رپورٹ کے مطابق یہ فیچر ابھی محدود صارفین کو دستیاب ہے اور اس کے ذریعے وہ گاڑی کے آئیکون اسٹائل اور رنگ کو کسٹمائز کرسکتے ہیں۔
اسی طرح آپ کسٹمائز آئیکون پر کلک کرکے ٹرپ آپشنز کا انتخاب کرسکتے ہیں جہاں آپ کو Vehicle icon while navigating کا آپشن نظر آئے گا۔
اس آپشن میں آپ کو 5 گاڑیاں نظر آئیں گی جن میں لگژری سیڈان، آف روڈ پک اپ، ایس یو وی، اسپورٹس کار اور ہیچ بیک شامل ہیں۔
آپ 8 مختلف رنگوں میں سے کسی ایک کا انتخاب کرسکیں گے۔
جیسا اوپر درج کیا جاچکا ہے کہ یہ فیچر ابھی محدود صارفین کو دستیاب ہے تو ابھی یہ کہنا مشکل ہے کہ اسے کب تک تمام صارفین کے لیے متعارف کرایا جائے گا۔
مزید خبریں :
مقبولیت میں چیٹ جی پی ٹی کو پیچھے چھوڑ دینے والی نئی انٹرنیٹ ایپ
05 فروری ، 2025
2024 میں دنیا میں سب سے زیادہ فروخت ہونے والا فون کونسا رہا؟
04 فروری ، 2025
چیٹ جی پی ٹی میں ایک بہترین کارآمد ٹول کا اضافہ
03 فروری ، 2025
چین ایک اور اہم خلائی سنگ میل اپنے نام کرنے میں کامیاب
03 فروری ، 2025
بل گیٹس اپنے بچوں کیلئے کتنی دولت چھوڑ کر جائیں گے؟
03 فروری ، 2025
