08 فروری ، 2025 
پاکستان
بانی پی ٹی آئی قانونی طریقے سے عدالتوں سے ریلیف حاصل کریں گے: بیرسٹر گوہر کا بیان/ فائل فوٹو
عمران خان کی رہائی کیلئے بشمول امریکا کسی ملک کے طلب گار نہیں: چیئرمین پی ٹی آئی
08 فروری ، 2025
اسلام آباد: پاکستان تحریک انصاف کے چیئرمین بیرسٹر گوہر نےکہا ہےکہ بانی پی ٹی آئی عمران خان نے کوئی ڈیل کی اور نہ ہی کریں گے۔
ایک بیان میں بیرسٹر گوہر نے کہا کہ بانی پی ٹی آئی قانونی طریقے سے عدالتوں سے ریلیف حاصل کریں گے۔
انہوں نے کہا کہ بانی پی ٹی آئی کی رہائی کے لیے بشمول امریکا ہم کسی ملک کے طلب گار نہیں، بانی نے کوئی ڈیل کی ہے اور نہ ہی کریں گے، عمران خان نے کہا تھا کہ ڈیل کے لیے نہیں پاکستان اور جمہوریت کیلئے مذاکرات کررہے ہیں۔
چیئرمین پی ٹی آئی کا کہنا تھا کہ آج ملک بھرمیں پی ٹی آئی کے کارکن اور لوگ احتجاج کے لیے نکلے ہیں۔
