09 فروری ، 2025 
دنیا
محکمہ خارجہ نے کانگریس کے جائزے کے بغیر اسرائیل کو اسلحہ فروخت کا اعلان کیا، امریکی میڈیا/ فائل فوٹو
امریکا کا اسرائیل کو 7 ارب ڈالر کے اسلحے کی فروخت کا اعلان، کون کون سے ہتھیار شامل ہیں ؟
09 فروری ، 2025
واشنگٹن: امریکا نے اسرائیل کو 7 ارب ڈالر کا اسلحہ فروخت کا اعلان کیا ہے۔
ٹرمپ انتظامیہ پر مشتمل نئی امریکی حکومت نے اسرائیل کو 7 ارب ڈالر کا اسلحہ فروخت کرنے کا اعلان کیا ہے۔
امریکی میڈیا کے مطابق محکمہ خارجہ نے کانگریس کے جائزے کے بغیر اسرائیل کو اسلحہ فروخت کا اعلان کیا۔
رپورٹ کے مطابق اسرائیل کو فروخت کیے جانے والے اسلحے میں ہزاروں ہیل فائر میزائل اور بم شامل ہیں۔
امریکی میڈیا کے مطابق اسلحہ فروخت کا اعلان اسرائیلی وزیراعظم کی صدر ٹرمپ اور دیگر حکام سے ملاقات کے بعد کیا گیا۔
واضح رہے اس سے قبل بائیڈن انتظامیہ نے اسرائیل کو 20 ارب ڈالر کے اسلحے کی فروخت کی منظوری دی تھی۔
