09 فروری ، 2025 
یوکرین جنگ کے خاتمے کیلئے روسی صدر سے بات چیت ہوئی ہے: ٹرمپ
09 فروری ، 2025
ماسکو: سابق امریکی صدر ڈونلڈ ٹرمپ نے دعویٰ کیا ہے کہ انہوں نے روسی صدر ولادیمیر پیوٹن سے یوکرین جنگ کے خاتمے کے حوالے سے فون پر بات چیت کی ہے۔
امریکی اخبار نیویارک پوسٹ کے مطابق یہ 2022 کے اوائل کے بعدروسی صدر پیوٹن اور کسی بھی امریکی صدر کے درمیان پہلا براہ راست رابطہ ہے۔
امریکی صدر ٹرمپ نے اپنی انتخابی مہم میں یوکرین جنگ ختم کرنے کا وعدہ کیا تھا تاہم اس کے طریقہ کار کی تفصیل بتانے سے گریز کیا تھا۔
ٹرمپ نے گزشتہ ہفتے یوکرین جنگ کو ‘خونریزی‘ قرار دیا تھا اور کہا تھا کہ ان کی ٹیم نے اس معاملے پر ’کچھ بہت اچھی بات چیت‘ کی ہے۔
امریکی صدر کے طیارے ائیر فورس ون میں امریکی اخبار کو دیے گئے ایک انٹرویو میں ٹرمپ سے سوال پوچھا گیا کہ انہوں نے پیوٹن سے کتنی بار بات کی تو انہوں نے جواب دیا کہ ’بہتر ہے کہ میں اس بارے میں کچھ نہ کہوں‘، ڈونلڈ ٹرمپ نے کہا کہ ’پیوٹن چاہتے ہیں کہ لوگوں کی ہلاکتیں رکیں‘۔
غیر ملکی خبرساں ایجنسی کے مطابق وائٹ ہاؤس نے اس رپورٹ پر کوئی تبصرہ نہیں کیا۔
ادھر کریملن کے ترجمان دمتری پیسکوف نے روسی خبر رساں ایجنسی سے گفتگو کرتے ہوئے کہا کہ ’مختلف ذرائع سے مختلف معلومات سامنے آ رہی ہیں‘۔
انہوں نے مزید کہا ’یہ رابطے مختلف چینلز کے ذریعے کیے جاتے ہیں، ممکن ہے کہ مجھے کسی چیز کا علم نہ ہو، اس لیے میں اس خبر کی نہ تصدیق کر سکتا ہوں اور نہ تردید‘۔
مزید خبریں :
ڈونلڈ ٹرمپ غزہ کو خریدنے اور اس کی ملکیت کے بیان پر قائم
10 فروری ، 2025
صدر ٹرمپ نے 'خلیج میکسیکو' کو باضابطہ 'خلیج امریکا' کا نام دیدیا
10 فروری ، 2025
