09 فروری ، 2025 
بھارتی وی لاگر نے اپنے گنجے سر کو کمائی کا ذریعہ بنالیا
09 فروری ، 2025
بھارتی ریاست کیرالہ سے تعلق رکھنے والے ایک وی لاگر نے اپنے گنجے سر کو ہی کمائی کا ذریعہ بنالیا۔
بھارتی میڈیا کے مطابق 36 سالہ شفیق ہاشم گزشتہ ماہ اس وقت خبروں کی زینت بنے جب انہوں سوشل میڈیا پر ایک ویڈیو پوسٹ کرکے کمپنیوں کو ان کے گنجے سر پر اشتہار لگانے کی پیشکش کی۔
بھارتی میڈیا کے مطابق اب شفیق ہاشم کو ان کا پہلا اشتہار مل گیا ہے جو کہ دلچسپ طور پر بال ٹرانسپلانٹ کرنے والے ایک مقامی ادارے کا ہے۔
ادارے کا اشتہار عارضی طور پر وی لاگر کے سر پر ٹیٹو کردیا گیا جو 3 ماہ تک موجود رہے گا، اس دوران شفیق کم از کم 3 یوٹیوب ویڈیوز بنائیں گے جن میں ان کے سر پر بنے اشتہار کو نمایاں کیا جائے گا۔
تین ماہ تک اس اشتہار کو اپنے سر پر لگائے رکھنے کے لیے شفیق کو 50 ہزار بھارتی روپے ملیں گے بعد ازاں ان کے سر پر موجود ٹیٹو مخصوص کیمیکلز کے ذریعے مٹایا جاسکے گا۔
شفیق کو امید ہے کہ انہیں مستقبل میں اس سے اچھی پیشکش بھی ہوگی، انہوں نے دعویٰ کیا ہے کہ دنیا میں پہلی مرتبہ کسی نے اپنے سر کو بل بورڈ کے طور پر استعمال کیا ہے۔
بھارتی میڈیا کے مطابق شفیق نے اُس وقت اپنے سر کو بل بورڈ کے طور پر استعمال کرنے کا فیصلہ کیا جب انہوں نے بال لگوانے کا سوچا، انہوں نے کہا کہ گنج پن ایک قدرتی چیز ہے اور اسے قبول کرنا چاہیے۔
مزید خبریں :
بندر نے پورے سری لنکا کی بجلی بند کردی
09 فروری ، 2025
مریخ اور چاند کی قربت کا مسحور کن نظارہ آج رات دیکھنا مت بھولیں
09 فروری ، 2025
سائنسدانوں نے انڈے ابالنے کا مثالی طریقہ دریافت کرلیا
07 فروری ، 2025
ارجنٹینا میں نہر کا پانی سرخ ہوگیا، وجہ کیا بنی؟
07 فروری ، 2025
مشتری سے بھی 12 گنا بڑا سیارہ دریافت
06 فروری ، 2025
چور ٹرک سے ایک لاکھ انڈے چرا کر لے گئے
05 فروری ، 2025
