12 فروری ، 2025 
آسٹریلیا کی مشکلات میں اضافہ، اہم کھلاڑی چیمپئنز ٹرافی سے دستبردار
12 فروری ، 2025
آسٹریلوی کرکٹ ٹیم کی مشکلات کم ہونے کا نام نہیں لے رہیں، فاسٹ بولر مچل اسٹارک بھی آئی سی سی چیمپئنز ٹرافی سے دستبردار ہوگئے۔
مچل اسٹارک ذاتی وجوہات کی بنیاد پر 19 فروری سے پاکستان میں شروع ہونے والی چیمپئنز ٹرافی سے دستبردار ہوئے۔
کرکٹ آسٹریلیا کا کہنا ہے کہ مچل اسٹارک کے فیصلے کو سپورٹ کرتے ہیں ۔ اسٹارک نے میڈیا سے پرائیویسی کی درخواست کی ہے۔ اسٹارک اس حوالے سے کوئی تبصرہ نہیں کریں گے۔
واضح رہے کہ کپتان پیٹ کمنز، فاسٹ بولر جوش ہیزل ووڈ اور مچل مارش پہلے ہی فٹنس مسائل کے باعث چیمپئنز ٹرافی سے باہر ہو چکے ہیں جبکہ آل راؤنڈر مارکوس اسٹوئنس نے ون ڈے کرکٹ سے ریٹائرمنٹ لے لی ہے۔
دوسری جانب کرکٹ آسٹریلیا نے چیمپئنز ٹرافی کے لیے حتمی اسکواڈ کا اعلان کر دیا ہے۔اسٹیو اسمتھ ایونٹ میں آسٹریلیا کی قیادت کریں گے۔
چیمپئنز ٹرافی کیلئے آسٹریلوی اسکواڈ میں کپتان اسٹیو اسمتھ، شان ایبٹ، الیکس کیری ، بین ڈار شیوس، نیتھن ایلس ، جیک فریزر میکگرک،ایرون ہارڈی، ٹریوس ہیڈ، جوش انگلس اور سپینسر جانسن شامل ہیں۔
اس کے علاوہ مارنوس لبوشین، گلین میکسویل، تنویر سنگھا، میتھیو شارٹ اور ایڈم زمپا بھی اسکواڈ کا حصہ ہیں۔
چیئرمین سلیکشن پینل جارج بیلی کا کہنا ہے کہ ابتدائی اسکواڈ میں انجریز اور ریٹائرمنٹ کی وجہ سے متعدد تبدیلیاں کرنا پڑیں۔ ان کھلاڑیوں کو بلایا ہے جنہوں نے گزشتہ 12 ماہ میں اچھی پرفارمنس کا مظاہرہ کیا ہے۔
واضح رہے کہ آئی سی سی چیمپئنز ٹرافی 19 فروری سے پاکستان میں شروع ہوگی۔
مزید خبریں :
سہ فریقی سیریز میں پاکستان کو بڑا دھچکا
11 فروری ، 2025
آئی سی سی چیمپئنز ٹرافی سے قبل انگلش کرکٹ ٹیم کو بڑا دھچکا
11 فروری ، 2025
بمراہ چیمپئنز ٹرافی کھیلیں گے یا نہیں؟ فیصلہ کل ہوگا
10 فروری ، 2025
