13 فروری ، 2025 
کھیل
رابعہ غریب اور زینب رضوان نے ویمنز ماسٹرز کے روڈ ریس مقابلوں میں گولڈ اور برانز میڈل جیتا۔:فوٹو—پاکستان سائیکلنگ فیڈریشن
ایشین روڈ سائیکلنگ چیمپئن شپ میں پاکستان نے مزید 2 میڈلز جیت لیے
13 فروری ، 2025
ایشین روڈ سائیکلنگ چیمپئن شپ میں پاکستان نے مزید 2 میڈلز اپنے نام کرلیے۔
تھائی لینڈ میں ہونے والی ایشین روڈ سائیکلنگ چیمپئن شپ میں پاکستان کی رابعہ غریب اور زینب رضوان نے ویمنز ماسٹرز کے روڈ ریس مقابلوں میں گولڈ اور برانز میڈل جیتا۔
رابعہ غریب نے 50+ ایج گروپ کی کیٹیگری میں 42 عشاریہ 8 کلو میٹر کی ریس 1 گھنٹہ 18 منٹ 21 سیکنڈز میں مکمل کی۔
رابعہ اپنی ایج کیٹیگری میں واحد سائیکلسٹ تھیں۔ ریس مکمل کرنے پر وہ گولڈ میڈل کی حقدار بنیں۔
خواتین کی 40 سے 44 ایک گروپ کی کیٹیگری میں زینب رضوان نے برانز میڈل جیتا۔ انہوں نے اپنی ریس ایک گھنٹہ 15 منٹ اور 13 سیکنڈز میں مکمل کی۔
