14 فروری ، 2025 
گوگل میپس میں صارفین کیلئے ایک کارآمد فیچر کا اضافہ
14 فروری ، 2025
گوگل میپس میں ایک نیا کارآمد فیچر صارفین کے لیے متعارف کرایا گیا ہے۔
گوگل میپس کے اس انسیڈنٹس رپورٹنگ نامی فیچر کے ذریعے صارفین دیگر افراد کو اپنے علاقوں میں ٹریفک کے حوالے سے درپیش موسمی مسائل سے آگاہ کر سکیں گے۔
اینڈرائیڈ پولیس کی رپورٹ کے مطابق صارفین بتاسکیں گے کہ بارش کی وجہ سے کونسی سڑکوں میں سیلاب جیسی صورتحال پیدا ہوچکی ہے یا دھند کی وجہ سے کن مقامات پر گاڑی سے باہر دیکھنا مشکل ہے۔
اسی طرح وہ یہ بھی رپورٹ کرسکیں گے کہ کن علاقوں میں سڑکیں بارشوں کی وجہ سے خراب ہیں تاکہ دیگر افراد کو سفر کے دوران مشکلات کا سامنا نہ ہو۔
رپورٹ کے مطابق انسیڈنٹس رپورٹنگ کا فیچر پہلے اینڈرائیڈ آٹو اور پھر گوگل میپس کی آئی فون ایپ میں نظر آیا۔
البتہ ابھی تک یہ فیچر اینڈرائیڈ ڈیوائسز استعمال کرنے والے صارفین تک نہیں پہنچا۔
خیال رہے کہ گوگل میپس میں ٹریفک حادثات، ٹریفک جام، اسپیڈ ٹریپس اور دیگر مسائل سے لوگوں کو آگاہ کرنے کے آپشنز پہلے سے موجود ہیں۔
اب ان میں موسم سے متعلق مسائل کا اضافہ بھی کیا جا رہا ہے۔
اکثر اس طرح کے الرٹس بہت کارآمد ثابت ہوتے ہیں کیونکہ لوگوں کو قبل از وقت علم ہو جاتا ہے کہ انہیں سفر کے دوران کن مسائل کا سامنا ہوسکتا ہے۔
مزید خبریں :
سائنسدانوں نے کائنات کا سب سے بڑا اسٹرکچر دریافت کرلیا
14 فروری ، 2025
واٹس ایپ کا 2025 کا پہلا بڑا اور بہترین فیچر صارفین کیلئے متعارف
14 فروری ، 2025
واٹس ایپ گروپ چیٹس کے لیے ایک نیا فیچر متعارف
13 فروری ، 2025
سولر پینلز کو لگانے سے بجلی کے بلوں میں کتنی کمی آسکتی ہے؟
13 فروری ، 2025
یوٹیوب میں آٹو ڈبنگ سمیت متعدد اے آئی فیچرز کا اضافہ
12 فروری ، 2025
میٹا کی حیرت انگیز ٹیکنالوجی جو دنگ کر دینے والی ہے
11 فروری ، 2025
