Time 15 فروری ، 2025
جرائم

لاڑکانہ میں فائرنگ سے تاجر زخمی، کراچی لانے کیلئے آنیوالی ائیرایمبولینس خراب ہوگئی

لاڑکانہ میں نامعلوم نقاب پوش نے تاجر کو فائرنگ کرکے زخمی کردیا۔

لاڑکانہ شہر میں 2 تاجروں کو گولیاں مارنے کا واقعہ پیش آیا جہاں  نامعلوم نقاب پوش نے تاجر سنجےکمار سے لوٹ مار کیے بغیر فائرنگ کردی جس سے تاجر زخمی ہوگیا۔

واقعے کی سی سی ٹی وی میں میں بھی لوٹ مار کا کوئی واقعہ سامنے نہیں آیا۔

ذرائع کے مطابق زخمی تاجر کو کراچی منتقل کرنےکے لیے ائیرایمبولینس لاڑکانہ بھیجی گئی تھی جس پر سنجے کما رکو  اسپتال سے موہن جوداڑو ائیرپورٹ پر منتقل کیاگیا۔

ایوی ایشن ذرائع کے مطابق زخمی تاجر کو ائیر ایمبولینس میں منتقل کرکے وینٹی لیٹر لگادیا گیا تھا کہ روانگی کے وقت ائیرایمبولینس طیارہ فنی خرابی کا شکار ہوگیا جس کے بعد تاجر کو ائیر ایمبولینس سے نکال کر دوبارہ اسپتال منتقل کیا گیا۔

ذرائع کے مطابق دوسری ائیرایمبولینس رات لاڑکانہ پہنچی جس میں زخمی کو کراچی منتقل کردیا گیا ہے۔

مزید خبریں :