19 فروری ، 2025 
دنیا
فوٹو: فائل
کیتھولک عیسائیوں کے مذہبی پیشوا پوپ فرانسس ڈبل نمونیا میں مبتلا
19 فروری ، 2025
ویٹیکن سٹی: کیتھولک عیسائیوں کے مذہبی پیشوا پوپ فرانسس کی صحت سے متعلق ویٹیکن نے بتایا ہے کہ پوپ فرانسس کو ڈبل نمونیا کی تشخیص ہوئی ہے۔
ویٹیکن کے مطابق پوپ فرانسس ہوش میں ہیں اور انہوں نے آج صبح ناشتہ بھی کیا ہے۔
ویٹیکن حکام کا کہنا ہے کہ پوپ کے خون کے مختلف ٹیسٹ کیے گئے جن کے نتائج سے پوپ کی حالت میں معمولی بہتری سامنے آئی ہے۔
دوسری جانب آج اٹلی کی وزیر اعظم جارجیا میلونی نے بھی اسپتال میں پوپ فرانسس کی عیادت کی ہے۔
اس موقع پر میڈیا سے بات کرتے ہوئے اطالوی وزیر اعظم نے کہا کہ پوپ فرانسس ہشاش بشاش تھے۔
خیال رہے کہ 88 سالہ پوپ فرانسس سانس لینے میں دشواری کی شکایت پر 14 فروری سے اسپتال میں داخل ہیں۔
مزید خبریں :
بی جے پی کی ریکھا گپتا نے نئی دہلی کی وزارت اعلیٰ کا حلف اٹھالیا
20 فروری ، 2025
ڈونلڈ ٹرمپ نے یوکرینی صدر کو مزاحیہ اداکار قرار دیدیا
20 فروری ، 2025
