20 فروری ، 2025 
گوہر رشید اور کبریٰ خان کے مسجد الحرام میں نکاح کی ویڈیو سامنے آگئی
20 فروری ، 2025
پاکستان شوبز انڈسٹری کی نئی جوڑی اداکارہ کبریٰ خان اور گوہر رشید نے نکاح کے بعد پہلی پوسٹ شیئر کردی۔
فوٹو اینڈ ویڈیو شیئرنگ پلیٹ فارم انسٹاگرام پر اداکارہ نے اپنے نکاح کی خوبصورت ویڈیو شیئر کی ہے۔ کبریٰ خان اور گوہر رشید نے حال ہی میں مکہ مکرمہ میں اہلخانہ، قریبی دوست و احباب کی موجودگی میں نکاح کیا۔
اس سے قبل مختلف سوشل میڈیا پیجز کی جانب سے اس جوڑی کے نکاح اور ولیمے کی مختلف ویڈیوز اور تصاویر سامنے آئی تھیں تاہم اب اداکارہ نے خود مکمل ویڈیو شیئر کی ہے۔
اس ویڈیو میں حرم شریف کی حدود میں اس جوڑے کا نکاح انتہائی سادگی سے ہوتے ہوئے دیکھ سکتے ہیں۔
اداکارہ نے نکاح کے پر مسرت موقع پر غیر روایتی انداز میں سفید عبایا پہن رکھا ہے جب کہ گوہر رشید سفید شلوار قمیض اور ویسٹ کوٹ میں نظر آ رہے ہیں۔
انسٹا پوسٹ کے کیپشن میں کبریٰ خان نے لکھا ہے کہ بے شک اللّٰہ بہترین تدبیر کرنے والا ہے۔
اس سے قبل گوہر رشید نے احرام میں خانہ کعبہ کے سامنے اپنی ایک تصویر بھی شیئر کی تھی۔ اس کے علاوہ دونوں اداکار جوڑے نے اپنے ہاتھوں سے خانہ کعبہ کو چھونے کی تصویر بھی پوسٹ کی تھی۔
مزید خبریں :
اداکارہ کومل میر کی نئی ویڈیو پر ان کے چاہنے والے حیران
21 فروری ، 2025
