سندھ حکومت کا ذہین اور ضرورت مند طلبا کو آکسفورڈ یونیورسٹی اسکالر شپ دینے کا اعلان

سندھ حکومت  نے ذہین اور ضرورت مند 6  طلبا کیلئے آکسفورڈ یونیورسٹی اسکالر شپ دینے کا اعلان کیا ہے۔

لندن میں بھٹو اسکالر شپ پروگرام کیلئے مفاہمت کی یاداشت پر دستخط کرنے کی تقریب ہوئی جس میں چیئرمین پیپلز پارٹی بلاول بھٹو زرداری اور وزیراعلیٰ سندھ مراد علی شاہ شریک ہوئے۔

وزیر اعلیٰ سندھ مراد علی شاہ نے جیو نیوز سے خصوصی گفتگو کرتے ہوئے کہا کہ 3 اسکالر شپ طلبا اور 3 طالبات کے لیے ہوں گی، طلبا کے انتخاب کیلئے آکسفورڈ پاکستان پروگرام ہماری مدد کرے گا۔

والدہ نے بدلہ لینا نہیں سکھایا، اس لیے کہتا ہوں جمہوریت بہترین انتقام ہے: بلاول

پاکستان اب ایک اور مارشل لا کا متحمل نہیں ہوسکتا، پاکستان کا مستقبل آئین کی بالادستی، آزاد عدلیہ اور صحافت سے وابستہ ہے: بلاول آکسفورڈ یونیورسٹی میں لیکچر

وزیراعلیٰ مراد علی شاہ نے بتایا کہ سندھ میں ایک عرصہ سے طلبا کو اسکالرز شپ دی جارہی ہے۔

اس کے علاوہ مراد علی شاہ کا کہنا تھا کہ کراچی 2 کروڑ سے زائد آبادی والا شہر ہے جرائم کا مسئلہ موجود ہے،  سیف سٹی پروگرام کے تحت کراچی کو بہتر بنانے کی کوشش کر رہے ہیں۔