23 فروری ، 2025 
ویرات کی اننگز اور فٹنس حیران کن ہے، اسکی داد دونگا، ہار تسلیم کرتے ہیں: رضوان
23 فروری ، 2025
پاکستان کرکٹ ٹیم کے کپتان محمد رضوان نے کہا ہے کہ ویرات کوہلی کی اننگز اور فٹنس حیران کن ہے، میں داد دوں گا۔
بھارت سے شکست کے بعد پریس کانفرنس میں محمد رضوان کا کہنا تھاکہ ویرات کوہلی ہمیشہ ہمارے خلاف پرفارم کرتا ہے اور ہم نے ویرات کو آؤٹ کرنے کے لیے ہر ممکن کوشش کی مگر کامیابی نہیں ہوئی۔
انہوں نے کہا کہ ویرات کی اننگز اور فٹنس حیران کن ہے، میں داد دوں گا۔
پاکستانی کپتان کا کہنا تھاکہ ہمارے مڈل آرڈر نے اچھا پرفارم نہیں کیا، ہار کو ہم تسلیم کرتے ہیں،ٹاس جیتنے کا ہم فائدہ نہیں اُٹھاسکے،ہم 280 رنز بنانا چاہتے تھے مگربھارتی بولرز نے مڈل اوورزمیں اچھی بولنگ کی، چیمپئنز ٹرافی میں آگے جانا مشکل لگتا ہے۔
محمد رضوان کا کہنا تھاکہ سعود شکیل کے ساتھ اننگز کوبڑھاناچاہتا تھا مگرخراب شاٹ کھیل کرآؤٹ ہوا، ابرار نے وکٹ ضرور لی مگرکوہلی اور گِل نے میچ کو ہم سے چھین لیا، ہمیں اپنی فیلڈنگ بہتر کرنے کی ضرور ت ہے، میچ میں ہم نےبہت غلطیاں کیں۔
خیال رہے کہ چیمپئنز ٹرافی میں بھارت نے پاکستان کو 6 وکٹوں سے شکست دے دی اور تقریباً پاکستان ٹورنامنٹ سے آؤٹ ہوگیا۔
ویرات کوہلی نے شاندار سنچری بنائی اور ناقابل شکست رہے۔
