24 فروری ، 2025 
بھارتی میڈيا چیمپئنز ٹرافی سے متعلق جھوٹا اور من گھڑت پروپيگنڈا کر رہا ہے: عطااللہ تارڑ
24 فروری ، 2025
وفاقی وزیر اطلاعات عطااللہ تارڑ نےکہا ہےکہ بھارتی میڈيا چیمپئنز ٹرافی سے متعلق جھوٹا بے بنیاد اور من گھڑت پروپيگنڈا کر رہا ہے۔
ایک بیان میں عطااللہ تارڑ نےکہا کہ یہ سب بھارتی کرکٹ بورڈ کی ایما پر کیا جا رہا ہے جسے پاکستان میں آئی سی سی ایونٹ کا کامیابی سے انعقاد ہضم نہیں ہو رہا۔
عطااللہ تارڑ نےکہا کہ بھارتی بورڈ کے زير سایہ بھارتی میڈيا کا پاکستان کے خلاف پروپيگنڈا مسترد کرتے ہيں، پاکستان میں اسپورٹس کو سبوتاژ کرنا بھارت کی مذموم کوشش ہے۔
ان کا کہنا ہے کہ پاکستان کےمیدانوں میں کرکٹ کا ہونا دنیا بھر کے لوگوں کی جیت ہے، جس کا ایک بڑا ثبوت یہاں پر آسٹریلیا اور انگلینڈ کے میچ میں عوام کا بھرپور جوش و خروش ہے۔
وزیر اطلاعات نےکہا کہ چیمپئنز ٹرافی سے متعلق بھارتی میڈیا میں چلنے والے تھریٹ الرٹ جعلی اور بے بنیاد ہیں ، پاکستان انہيں مسترد کرتا ہے۔
مزید خبریں :
تحریک انصاف نے پانی کے مسئلے پر سندھ کی حمایت کر دی
2 گھنٹے پہلے
سابق صوبائی وزیر میاں اسلم اقبال کے ڈیرے سے لاش برآمد
10 گھنٹے پہلے
