26 فروری ، 2025 
کیا گووندا اور اہلیہ کے درمیان طلاق ہوگئی؟ بھانجے کرشنا اور منیجر کا اہم بیان سامنے آگیا
26 فروری ، 2025
بالی وڈ سپر اسٹار گووندا اور ان کی اہلیہ سنیتا آہوجا کے درمیان شادی کے 37 سال بعد طلاق کی افواہیں سرگرم ہیں۔
بھارتی میڈیا کے مطابق اداکار گووندا اپنی اہلیہ سے طلاق کی افواہوں کے باعث ایک بار پھر سرخیوں میں ہیں۔
منگل کی صبح سوشل میڈیا پیج پر دعویٰ سامنے آیا کہ گووندا اور ان کی اہلیہ سنیتا آہوجا کے درمیان مبینہ طور پر طلاق آخری مراحل میں ہے۔
اس حوالے سے افواہیں سامنے آئیں کہ گووندا کا 30 سالہ مراٹھی اداکارہ کے ساتھ مبینہ تعلق ان کی اہلیہ سے علیحدگی کی وجہ میں اہم کردار ہے لیکن اب تک دونوں شخصیات کی جانب سے کسی قسم کی تصدیق یا تردید سامنے نہیں آئی۔
تاہم اب گووندا کے بھانجے اور اداکار کرشنا ابھیشیک کا اس حوالے سے ردعمل سامنے آیا ہے۔
بھارتی میڈیا کے مطابق جب کرشنا سے گووندا اور سنیتا کی طلاق کے بارے میں پوچھا گیا تو انہوں نے واضح طور پر ان خبروں کی تردید کی اور کہاکہ یہ ممکن نہیں ہے، طلاق نہیں ہوگی۔
دوسری جانب ایک انٹرٹینمنٹ پورٹل کی رپورٹ کے مطابق اداکار گووندا کے منیجر نے مبینہ طور پر تصدیق کی ہے کہ سنیتا اور گووندا کے درمیان کچھ مسائل ضرور ہیں۔
پورٹل کے مطابق گووندا کے منیجر نے کہا کہ کچھ خاندانی افراد کے بیانات کی وجہ سے جوڑے کے درمیان کچھ مسائل پیدا ہوئے ہیں۔ اس سے زیادہ کچھ نہیں، اور گووندا اس وقت اپنی ایک فلم شروع کرنے کی تیاری کر رہے ہیں، ہم اس معاملے کو حل کرنے کی کوشش کر رہے ہیں۔
خیال رہے کہ گووندا اور سنیتا کی شادی کو 37 سال کا عرصہ گزرچکا ہے اور جوڑے کا ایک بیٹا اور ایک بیٹی ہے۔
سنیتا اور گووندا نے 1987 میں اس وقت شادی کی تھی جب گووندا بالی وڈ میں اپنی شناخت بنانے کی کوشش کر رہے تھے۔
مزید خبریں :
گوہر اور کبریٰ کے بعد ایک اور اداکار نے خانہ کعبہ میں نکاح کرلیا
25 فروری ، 2025
گووندا کی اہلیہ سے 37 سال بعد طلاق کی خبریں، وجہ بھی سامنے آگئی
25 فروری ، 2025
لوگوں کے ایشوریا کو 'پلاسٹک' کہنے پر ریکھا نے کیا ردعمل دیا؟
24 فروری ، 2025
نامور بھارتی گلوکار شوٹنگ کے دوران زخمی، اسپتال منتقل
23 فروری ، 2025
