27 فروری ، 2025 
طلاق کی خبریں: گووندا کی اہلیہ سنیتا کی منیجر کا بیان سامنے آگیا
27 فروری ، 2025
بالی وڈ سپر اسٹار گووندا کی اہلیہ سنیتا آہوجا کے منیجر نے میاں بیوی کے درمیان طلاق کی خبروں کو جھوٹا قرار دے دیا۔
گزشتہ کئی روز سے بھارتی میڈیا میں گووندا اور سنیتا آہوجا کے درمیان شادی کے 37 سال بعد علیحدگی کی خبریں گرم ہیں۔
بھارتی میڈیا پر دونوں شخصیات کے درمیان طلاق کی وجہ گووندا کا 30 سالہ مراٹھی اداکارہ کے ساتھ مبینہ تعلق بتایا گیا تھا تاہم اس حوالے سے دونوں شخصیات کی جانب سے کسی قسم کی تصدیق یا تردید سامنے نہیں آسکی تھی۔
طلاق کی خبروں پر گووندا نے کیا کہا تھا؟
گزشتہ روز بھارتی میڈیا پر گووندا کے خاندان کے قریبی ذرائع کا حوالہ دیتے ہوئے بتایا گیا تھا کہ سنیتا نے چند ماہ قبل علیحدگی کا نوٹس بھیجا تھا تاہم گووندا کی جانب سے اس نوٹس کا کوئی جواب نہیں دیا گیا۔
طلاق کی قیاس آرائیاں سامنے آنے کے بعد جب بھارتی میڈیانے گووندا سے رابطہ کیا تو انہوں نے ان قیاس آرائیوں پر کوئی جواب نہیں دیا اور کہا کہ ’اہلیہ سے صرف کاروباری بات چیت ہورہی ہے جب کہ میری توجہ فلمیں بنانے پر مرکوز ہے‘ ۔
سنیتا کی منیجر کا بیان
بھارتی میڈیا کی جانب سے سنیتا آہوجا سے رابطہ کرنے پر ان کی منیجر سعدیہ سولکر نے تمام خبروں کو جھوٹا قرار دیا اور کہا کہ یہ سچ نہیں ہے۔
بھارتی میڈیا کے مطابق دوران گفتگو سنیتا کی منیجر نے مزید افواہوں پر تبصرہ کرنے سے انکار کردیا۔
خیال رہے کہ گووندا اور سنیتا کی شادی کو 37 سال کا عرصہ گزرچکا ہے اور جوڑے کا ایک بیٹا اور ایک بیٹی ہے جب کہ سنیتا اور گووندا نے 1987 میں اس وقت شادی کی تھی جب گووندا بالی وڈ میں اپنی شناخت بنانے کی کوشش کر رہے تھے۔
مزید خبریں :
کبریٰ خان کا دل موہ لینے والا عروسی لباس کتنے کا تھا؟
26 فروری ، 2025
بہروز سبزواری نے طلاق کا ذمہ دار لڑکیوں کو ٹھہرا دیا
26 فروری ، 2025
