03 مارچ ، 2025 
2 کروڑ سے زائد کرپٹو کرنسی کے فراڈ کا الزام ، تمنا بھاٹیہ کا بیان سامنے آگیا
03 مارچ ، 2025
بالی وڈ اداکارہ تمنا بھاٹیہ نے 2کروڑ 40 لاکھ بھارتی روپے کے کرپٹو کرنسی فراڈ کیس میں ملوث ہونے کی خبروں کی تردید کردی۔
بھارتی میڈیا پر حال ہی میں خبریں سامنے آئی تھیں کہ پولیس نے اداکارہ تمنا بھاٹیہ اور کاجول اگروال کو کرپٹو کرنسی فراڈ کے سلسلے میں پوچھ گچھ کے لیے تھانے طلب کیا ہے جب کہ اداکارہ تمنا بھاٹیہ 2کروڑ 40 لاکھ روپے کے کرپٹو کرنسی فراڈ کیس میں ملوث ہیں۔
اب بھارتی میڈیا پر تمنا بھاٹیہ کا بیان سامنے آیا ہے جس میں انھوں نے 2 کروڑ40 لاکھ بھارتی روپے کے مبینہ فراڈ میں ملوث ہونے کی سختی سے تردید کی ہے۔
کرپٹو کرنسی فراڈسے متعلق خبروں پر اداکارہ نے مایوسی کا اظہار کرتے ہوئے کہا کہ میرا اس اسکینڈل سے کوئی تعلق نہیں،اسطرح کی غلط معلومات پھیلانے والوں کے خلاف قانونی کارروائی کا ارادہ رکھتی ہوں۔
اداکارہ نے عوام اور میڈیا پر زور دیتے ہوئے کہا کہ ’مجھے معلوم ہوا ہے کہ میرے کرپٹو کرنسی فراڈ میں ملوث ہونے کے حوالے سے افواہیں پھیلائی جا رہی ہیں، میری میڈیا اور اپنے دوستوں سے گزارش ہے کہ براہ مہربانی ایسی کوئی بھی جعلی، گمراہ کن اور جھوٹی خبریں نہ پھیلائیں‘ ۔
واضح رہے کہ تمنا بھاٹیہ کو آخری مرتبہ اویناش تیواری اور جمی شیرگل کے ساتھ فلم ’ سکندر کا مقدر ‘میں دیکھا گیا تھا تاہم اداکارہ اب جلد ہی ہارر تھرلر فلم’ اوڈیلا 2 ‘ میں نظر آئیں گی۔
مزید خبریں :
جڑواں بھائی بچپن سے مجھ سے جلتے تھے: سوناکشی کا انکشاف
02 مارچ ، 2025
'احساس رمضان' نشریات کا جیو ٹی وی پر آغاز
01 مارچ ، 2025
