06 مارچ ، 2025 
دنیا
دبئی پولیس نے بھکاریوں کےخلاف خصوصی ٹیمیں تشکیل دی ہیں/فوٹوفائل
دبئی میں بھیک مانگنے والوں کے گرد گھیرا تنگ، کتنی سزا اور جرمانہ ہو سکتا ہے؟
06 مارچ ، 2025
دبئی پولیس نے بھکاریوں کے خلاف گھیرا تنگ کرتے ہوئے 9 بھکاریوں کو گرفتار کرلیا۔
غیر ملکی خبر رساں ادارے کے مطابق دبئی پولیس نے بھکاریوں کے خلاف خصوصی ٹیمیں تشکیل دی ہیں اور 9 بھکاریوں کو حراست میں بھی لے لیا ہے۔
دبئی پولیس کا بتانا ہے کہ بھیک مانگنے پر 3 ماہ جیل اور 5 ہزاردرہم (3لاکھ 80ہزار روپے) جرمانہ ہو سکتا ہے۔
دبئی پولیس کی جانب سے اپیل کی گئی ہے کہ عوام بھیک مانگنے والوں کی اطلاع دیں جبکہ بھکاریوں کی اطلاع کے لیے موبائل ایپ “پولیس آئی “سروس بھی فعال کردی گئی ہے۔
دبئی پولیس کے مطابق عوام 901 پربھی بھکاریوں کی اطلاع دے سکتے ہیں۔
