07 مارچ ، 2025 
معروف بھارتی اداکار تھلاپتی وجے کی دعوت افطار، نماز مغرب میں بھی شریک ہوئے
07 مارچ ، 2025
بھارت کے معروف اداکار جوزف وجے چندرا شیکھر المعروف تھلاپتی وجے نے ماہ رمضان میں افطار پارٹی کی جس میں ہزاروں افراد نے شرکت کی۔
بھارتی میڈیا رپورٹس کے مطابق حال ہی میں تھلاپتی وجے نے اپنی سیاسی جماعت بنائی ہے اور اس کا نام تامیلاگا ویٹری کازگام ہے۔
اداکار نے چنئی میں پارٹی کی جانب سے افطار کا اہتمام کیا جس میں ہزاروں افراد نے شرکت کی۔ دعوت افطار میں تھلاپتی وجے خود بھی موجود رہے اور اس دوران انہوں نے روایتی لباس اور سر پر ٹوپی پہن رکھی تھی۔
تقریب میں قرآن پاک کی تلاوت بھی کی گئی اور دعائیں بھی مانگی گئیں، تھلاپتی وجے نے مسلمانوں کے ساتھ افطار بھی کیا۔ عیسائی مذہب سے تعلق رکھنے والے اداکار باجماعت ادا کی گئی نماز مغرب میں بھی شامل ہوئے جس کی ویڈیو وائرل ہوگئی۔
تھلاپتی وجے کی تقریب میں ٹوپی پہن کر شرکت کی تصاویر اور نماز کی ویڈیو سوشل میڈیا پر وائرل ہوگئی۔
خیال رہےکہ تھلاپتی وجے کا شمار بھارت کے سب سے زیادہ معاوضہ لینے والے اداکاروں میں ہوتا ہے جنہوں نے ایک فلم کیلئے 275 کروڑ بھارتی روپے معاوضہ لیا۔
مزید خبریں :
بانی پاکستان قائداعظم سے ملاقات کر چکا ہوں: فیصل رحمان کا انکشاف
25 اپریل ، 2025
پہلگام واقعہ، فواد خان کی بالی وڈ فلم کی ریلیز خطرے میں پڑ گئی
24 اپریل ، 2025
ایمن اور منال خان کی اشتہارات سے ہوئی پہلی کمائی کتنی تھی؟
24 اپریل ، 2025
اداکارہ نعیمہ بٹ کا بالی وڈ سے کام کی آفرز آنے کا انکشاف
24 اپریل ، 2025
