09 مارچ ، 2025 
کراچی میں گرمی کی شدت میں اضافہ، آج پارہ 39 ڈگری تک جانے کا امکان
09 مارچ ، 2025
کراچی میں دن کے اوقات میں گرمی کی شدت اضافہ ہونے کا امکان ہے۔
محکمہ موسمیات کے مطابق شہر میں دن کے اوقات میں گرمی کی شدت بڑھنے لگی ہے اور آج زیادہ سے زیادہ درجہ حرارت 39 ڈگری سینٹی گریڈ تک جانے کا امکان ظاہر کیا گیا ہے۔
دوسری جانب محکمہ موسمیات نے آئندہ ہفتے سے ملک کے مختلف حصوں میں وقفے وقفے سے بارش اور پہاڑوں پر برفباری کی پیشگوئی کی ہے۔
محکمہ موسمیات کے مطابق کمزور مغربی ہواؤں کا سلسلہ آج رات ملک میں داخل ہوگا جو 16 مارچ تک رہے گا جبکہ 12 مارچ سے اس کی شدت میں اضافہ ہو گا۔
اس سسٹم کے تحت اسلام آباد ،مری، گلیات، پنجاب ،کے پی،گلگت بلتستان اور کشمیر میں بارش اور پہاڑوں پر برفباری کا امکان ہے جب کہ بلوچستان کے متعدد علاقوں میں 14 اور 15 مارچ کو بارش اور پہاڑوں پر برفباری ہو سکتی ہے۔
محکمہ موسمیات کا کہنا ہے کہ ملک کے بالائی علاقوں میں شدید برفباری سے سڑکیں بند ہونے کا امکان ہے، خیبر پختونخوا، کشمیر اور گلگت بلتستان میں شدید بارشوں کے باعث لینڈ سلائیڈنگ کا خدشہ ہے لہٰذا ماہی گیر، سیاح اور مسافر محتاط رہیں اور کسان فصلوں کو نقصان سے بچانے کے لیے پیشگی اقدامات کریں۔
مزید خبریں :
یونان کشتی حادثےکا مرکزی ملزم عثمان ججہ گرفتار ہوگیا
2 گھنٹے پہلے
رمضان میں پیپلز بس سروس کے اوقات میں توسیع کا اعلان
9 گھنٹے پہلے
