12 مارچ ، 2025 
میہڑ: 8 سالہ بچی زیادتی کے بعد تشدد سے قتل، 2 ملزمان گرفتار
12 مارچ ، 2025
دادو کے شہر میہڑ میں درگاہ سید حاجن شاھ بخاری کے قریب 8 سالہ بچی کو مبینہ جنسی زیادتی کے بعد تشدد کرکے قتل کردیا گیا۔
میہڑ تھانہ اے سیکشن پولیس نے حاجن شاہ کالونی کی رہائشی 8 سالہ بچی کو جنسی زیادتی کے بعد قتل کرنے والے 2 ملزمان کو گرفتار کر لیا۔
بچی کے لواحقین نے ملزمان کی گرفتاری کے لیے انڈس ہائی وے پر دھرنا دے رکھا تھا۔
ایس ایچ او کے مطابق مرکزی ملزم جنسار نوناری اور درگاہ کے فقیر نیک محمد پنہور کو پولیس نے گرفتار کر کے تفتیش کا آغاز کردیا ہے۔
پولیس کا بتانا ہے کہ بچی اپنے چھوٹے بھائی کے ساتھ قریبی درگاہ سید حاجن شاہ بخاری کے مزار پر زیارت کیلئے گئی جہاں ملزم نے بچی کو مبینہ زیادتی کے بعد سریہ اور اینٹیں مارکر قتل کر ڈالا تھا جب کہ ملزم نے بچی کی آنکھیں بھی نکال لی تھیں۔
مزید خبریں :
پنجگور میں فائرنگ، حجام کی دکان چلانے والے 3 افراد جاں بحق
10 مارچ ، 2025
