12 مارچ ، 2025 
نظام شمسی کے دوسرے بڑے سیارے کے مزید 128 چاند دریافت
12 مارچ ، 2025
سائنسدانوں نے نظام شمسی کے دوسرے بڑے سیارے زحل کے مزید 128 چاند دریافت کرلیے ہیں۔
اس دریافت کے بعد زحل کے چاندوں کی تعداد نظام شمسی کے تمام سیاروں کے چاندوں کی مجموعی تعداد سے بھی زیادہ ہوگئی ہے۔
پہلے مشتری کو سب سے زیادہ چاند رکھنے والا سیارہ مانا جاتا تھا مگر اب زحل کے چاندوں کی تعداد 274 ہوگئی ہے جو دیگر سیاروں کے چاندوں کی مجموعی تعداد سے لگ بھگ دوگنا زیادہ ہے۔
اسی تحقیقی ٹیم نے کچھ عرصے قبل زحل کے 62 چاند دریافت کیے تھے جس دوران عندیہ ملا تھا کہ سیارے کے مزید چاند بھی ہوسکتے ہیں اور وہ 2023 سے اس پر کام کر رہے تھے۔
محققین نے بتایا کہ ہم نے زحل کے 128 نئے چاند دریافت کیے ہیں اور ہمارے خیال میں مشتری اس مقابلے میں کبھی آگے نہیں نکل سکے گا۔
مشتری کے اب تک 95 چاند دریافت ہوچکے ہیں۔
زحل کے نئے چاندوں کو بین الاقوامی فلکیاتی یونین نے باضابطہ طور پر تسلیم کیا ہے اب ان کے ناموں اور نمبروں کا تعین کیا جائے گا۔
مزید خبریں :
گوگل والٹ پیمنٹ سسٹم پاکستان میں متعارف
4 گھنٹے پہلے
بھارت نے اسٹارلنک انٹرنیٹ سروس حاصل کرنے کا معاہدہ کرلیا
11 مارچ ، 2025
گوگل میپس کے صارفین کو عجیب مشکل کا سامنا
11 مارچ ، 2025
انسٹا گرام کا بہترین فیچر جو آپ کو ضرور پسند آئے گا
11 مارچ ، 2025
گوگل کا میپس کی لوکیشن ہسٹری 18 مئی تک ڈیلیٹ کرنیکا اعلان
10 مارچ ، 2025
دنیا کا سب سے پتلا اسمارٹ فون کونسے فیچرز سے لیس ہوگا؟
10 مارچ ، 2025
