13 مارچ ، 2025 
جرائم
پولیس نے لاش کو پوسٹ مارٹم کے لیے ڈی ایچ کیو اسپتال منتقل کردیا__فوٹو: فائل
نئی نویلی دلہن کو قتل کرکے جنگل میں پھینک آنیوالا قاتل اسکا شوہر ہی نکلا
13 مارچ ، 2025
حافظ آباد کے علاقے جوریاں میں قتل کی جانے والی نئی نویلی دلہن کے قتل کا سراغ لگالیا گیا۔
پولیس کے مطابق مقتولہ روبی کا شوہر ہی اس کا قاتل نکلا جس کے بعد شوہر انصر کو گرفتار کرلیا اور سسرالیوں کے خلاف بھی مقدمہ درج کرلیا گیا ہے۔
ایف آئی آر کے مطابق شیخوپورہ کی رہائشی روبی کی شادی چند ہفتے قبل جوریاں کے انصر سے ہوئی اور شادی کے کچھ عرصے بعد دونوں میں ناچاقی چلی آرہی تھی۔
شوہر نے اپنی بیوی روبی کو دوآبہ کے قریب واقع جنگل میں لے جا کر اس کا گلا دبا کر قتل کیا اور لاش کو جنگل میں ہی پھینک کر گھر آگیا تھا۔
پولیس نے جدید ٹیکنالوجی کا استعمال کرتے ہوئے مقتولہ کی لاش کو جنگل سے برآمد کرکے شوہر کو گرفتار کرلیا۔
