14 مارچ ، 2025 
چینی کی کوئی قلت نہیں، سٹے باز اور ذخیرہ اندوز انڈسٹری کیخلاف سازش کر رہے: شوگرملز ایسوسی ایشن
14 مارچ ، 2025
پاکستان شوگر ملز ایسوسی ایشن پنجاب کے مطابق ملک میں چینی کی کوئی قلت نہیں، چینی کی قلت سے متعلق افواہیں پھیلاکر مفادپرست عناصرملک میں ہیجان پیدا کر رہے ہیں۔
پاکستان شوگرملز ایسوسی ایشن پنجاب زون کے ترجمان نے ایک بیان میں کہا کہ کریانہ مرچنٹس، سٹہ باز اور ذخیرہ اندوز چینی کی قلت کے حوالے سے بےسروپا باتیں پھیلاکر شوگرانڈسٹری کےخلاف سازش کر رہے ہیں۔
ترجمان کا کہنا ہے کہ چینی کی قلت سے متعلق افواہیں پھیلاکر مفادپرست عناصر ملک میں ہیجان پیداکر رہے ہیں۔
انہوں نے کہاکہ دوسری صنعتوں کی طرح شوگرانڈسٹری کو بھی فری کام کرنے دیا جائے۔
ترجمان کے مطابق رواں کرشنگ سیزن میں کسانوں کو گنے کا ریٹ 400 سے 750 روپے فی من تک دیا گیا ہے، رواں سیزن گنےکی ریکوری کم ہوئی ہے اور چینی کے پیداواری اخراجات میں بے پناہ اضافہ ہواہے۔
ان کا کہنا تھاکہ گنا پاکستان کی واحد فصل ہے جس نے کسانوں کو معاشی طور پر بچایا ہے۔
خیال رہے کہ ملک میں چینی کی قیمتوں کو پر لگ گئے ہیں اور چینی 170 روپے فی کلو سے زائد فروخت ہو رہی ہے۔
مزید خبریں :
ملکی زرمبادلہ ذخائر میں اضافہ ہوگیا
13 مارچ ، 2025
انٹربینک میں ڈالر کی قدر میں معمولی اضافہ
13 مارچ ، 2025
اسٹاک ایکسچینج میں کاروبار کا مثبت دن، 100 انڈیکس میں اضافہ
13 مارچ ، 2025
