14 مارچ ، 2025 
چینی کے مصنوعی بحران کی فضا بنانے والوں کو قانون کے شکنجے میں لایا جائے: وزیراعظم کی ہدایت
14 مارچ ، 2025
وزیراعظم شہباز شریف نے حکم دیا کہ مصنوعی طورپر چینی بحران کی فضا پیدا کرنے والوں کو قانون کے شکنجے میں لایا جائے۔
وزیراعظم کی زیرصدارت چینی کی کھپت، رسد اور قیمتوں سے متعلق اجلاس ہوا جس میں اہم فیصلے کیے گئے۔
اعلامیے کے مطابق وزیراعظم نے چینی کے ذخیرہ اندوزوں اور چینی کی قیمت میں اضافےکرنے والوں کے خلاف کارروائی کی ہدایت کی۔
شہباز شریف نے حکم دیاکہ چینی ذخیرہ کرنے، قیمتوں پر سٹہ اورمصنوعی اضافےکی اجازت نہیں دیں گے لہٰذا ناجائزمنافع خوروں،ذخیرہ اندوزوں کےخلاف کریک ڈاؤن کرکے رپورٹ پیش کی جائے۔
انہوں نے شوگرملز کے ساتھ چینی کی کھپت ورسدکی نگرانی کیلئے روابط مربوط کرنےکی ہدایت کی اور کہا کہ ملک میں چینی کی وافر مقدار موجود ہے اورمصنوعی طورپربحران کی فضا پیدا کرنے والوں کوقانون کےشکنجےمیں لایا جائے۔
وزیراعظم کا کہنا تھاکہ رمضان المبارک میں عام آدمی کا مافیا کے ہاتھوں قطعاً استحصال نہیں ہونے دیں گے۔
انہوں نے چیف سیکرٹریزکوچینی کی مقررہ قیمت پرعوام کوفراہمی یقینی بنانے کی ہدایت کی۔
خیال رہے کہ ملک میں چینی کی قیمتوں کو پر لگ گئے ہیں اور چینی 180 روپے فی کلو سے زائد فروخت ہو رہی ہے۔ رمضان المبارک میں قیمتوں میں مزید اضافے کا امکان ہے۔
مزید خبریں :
رمضان کے دوران چینی کی قیمتوں میں 14 روپے فی کلو کا اضافہ
14 مارچ ، 2025
ملکی زرمبادلہ ذخائر میں اضافہ ہوگیا
13 مارچ ، 2025
انٹربینک میں ڈالر کی قدر میں معمولی اضافہ
13 مارچ ، 2025
اسٹاک ایکسچینج میں کاروبار کا مثبت دن، 100 انڈیکس میں اضافہ
13 مارچ ، 2025
