15 مارچ ، 2025 
کراچی: اہم بازاروں کیلئے ٹریفک پلان ترتیب، رکشہ اور ٹیکسی کا داخلہ ممنوع
15 مارچ ، 2025
کراچی: ٹریفک پولیس نے عید کی مناسبت سے بازاروں میں رش کے پیش نظر پلان ترتیب دے دیا۔
ٹریفک پولیس کے مطابق رش کو کم کرنے کیلئے تین تلوار پر رکشہ، ٹیکسی یا اون کال ٹیکسی کا داخلہ ممنوع ہوگا۔
ٹریفک پولیس نے تین تلوارپر رش ہونے کی صورت میں کلفٹن برج ریس کورس، چوہدری خلیق الزمان روڈ کا استعمال کرنے کا مشورہ دیا ہے جب کہ طارق روڈ اللہ والی سے اتحاد سگنل تک رکشہ اور ٹیکسی کا داخلہ ممنوع ہوگا۔
اسی طرح صدر، فوارہ چوک سے جی پی او اور سنگر چوک سے زیب النساء تک رکشہ، ٹیکسی کا داخلہ ممنوع ہوگا جب کہ جامع کلاتھ تبت چوک سے عید گاہ چوک تک رکشہ اور ٹیکسی کا داخلہ بھی ممنوع ہوگا۔
ٹریفک پولیس کے مطابق ملینیئم ڈرگ روڈ سے آنے والی ٹریفک ملینیئم برج سے نیپا جاسکے گی، حیدری مارکیٹ والی سڑک پر رکشہ اور ٹیکسی کا داخلہ ممنوع ہوگا، نارتھ کراچی سے کمرشل ٹریفک کو 5 اسٹار چورنگی سے شپ اونر چورنگی اور لنڈی کوتل چورنگی موڑا جائیگا جب کہ بورڈ آفس سے ٹریفک کے ڈی اے چورنگی سے ضیاء الدین چورنگی اور پہاڑ گنج موڑا جائیگا۔
مزید خبریں :
ماہِ رمضان کی فجر میں کس قدرقرأت کی جائے؟
3 گھنٹے پہلے
گجراتی دہی بڑے سے دسترخوان کو سجائیں
3 گھنٹے پہلے
