سورج کی روشنی سے چند منٹ میں چارج ہونیوالا لیپ ٹاپ، قیمت بھی سامنے آگئی

15 مارچ ، 2025

سورج کی روشنی سے چند منٹ میں چارج ہونیوالا لیپ ٹاپ، قیمت بھی سامنے آگئی — شمسی توانائی سے چارج ہونے والے لیپ ٹاپ کا اعلان حال ہی میں ہوئی موبائل ورلڈ کانگریس میں کیا گیا/فوٹوغیر ملکی میڈیا

چین کی ٹیکنالوجی کمپنی ’ لینووو‘ نے 20 منٹ میں شمسی توانائی سے چارج ہونے والے نئے تصوراتی لیپ ٹاپ کا اعلان کر دیا۔

غیر ملکی خبر رساں ادارے کے مطابق شمسی توانائی سے چارج ہونے والے لیپ ٹاپ کا اعلان حال ہی میں ہونے والی موبائل ورلڈ کانگریس میں کیا گیا جو صارفین کو work from home کے بجائے work from sun کی جانب راغب کرے گا۔

رپورٹ کے مطابق کمپنی نے تاحال شمسی توانائی سے چلنے والے لیپ ٹاپ (یوگا سولر پی سی ) کی پروڈکشن کے حوالے سے کچھ نہیں بتایا تاہم اس کی تھنک بک پلس کا تصور ابتدائی طور پر 2023 میں موبائل ورلڈ کانگریس میں پیش کیا گیا تھا جو اب جون 2025 میں 3 ہزار 499 ڈالر میں دستیاب ہوگی تاہم لیپ ٹاپ فی الحال صرف ایک تصور ہے۔

ٹیکنالوجی ویب سائٹ کے مطابق لیپ ٹاپ 20 منٹ میں سورج کی روشنی سے فوری چارج ہو گا جو 1 گھنٹے کا ویڈیو پلے بیک دے سکتا ہے۔

ultra thin لیپ ٹاپ کی موٹائی صرف 15 ملی میٹر ہوگی جبکہ لیپ ٹاپ کا وزن 1.22 کلو (تقریباً5 آئی فونز کے برابر ) سے بھی کم ہو سکتا ہے۔

لیپ ٹاپ کی پشت پر چھوٹے شمسی پینلز نصب ہوں گے جو بیٹری چارج کرنے کیلئے کسی بھی ذریعے سے روشنی کا استعمال کر سکتے ہیں لیکن زیادہ تر شمسی توانائی سے چلنے والے آلات کی طرح سورج کی روشنی کو استعمال کریں گے۔

لیپ ٹاپ میں کمپنی کا ڈائنامک سولر ٹریکنگ سسٹم بھی موجود ہوگا جس میں یہ دکھایا جائے گا کہ سولر پینل کتنا کرنٹ اور وولٹیج پیدا کر رہا ہے۔