16 مارچ ، 2025 
جرائم
کراچی: رمضان میں لوٹ مار کی وارداتوں میں اضافہ، پولیس مقابلے میں 3 ڈاکو ہلاک
16 مارچ ، 2025
کراچی کے علاقے لیاری اور قائد آباد پل کے قریب پولیس مقابلے کے دوران 3 ڈاکوں ہلاک ہوگئے۔
رمضان المبارک کے مہینے میں شہر بھر میں لوٹ مار کی وارداتوں میں اضافہ ہو رہا ہے۔
پولیس کے مطابق لیاری کے کمیلا اسٹاپ کے قریب مبینہ پولیس مقابلہ ہوا جس میں 2 ڈاکو ہلاک ہوگئے جبکہ قائد آباد پل کے قریب پولیس مقابلے میں ایک ڈاکو ہلاک اور دوسرا زخمی حالت میں گرفتار ہو گیا۔
پولیس کے مطابق ملزمان نے واردات کے دوران فائرنگ کرکے 3 شہریوں کو زخمی بھی کیا جب کہ شہر کے دیگر علاقوں میں ڈکیتی مزاحمت پر فائرنگ سے 9 افراد زخمی ہوئے۔
