عامر اور گوری ایک دوسرے کی محبت میں کیسے گرفتار ہوئے؟ دونوں نے راز بتادیے

بالی وڈ مسٹر پرفیکشنسٹ عامر خان نے حال ہی میں اپنی نئی گرل فرینڈ  گوری اسپریٹ سے تعلقات کا انکشاف کیا ہے۔

عامر خان نے اپنی 60 ویں سالگرہ کے موقع  پر میڈیا کے سامنے  اعتراف کیا تھا کہ  ’ان کی گرل فرینڈ گوری اسپریٹ بالی وڈ فلمز کی فین نہیں حتیٰ کہ انہوں نے میری بھی  صرف 2 فلمیں دیکھی ہیں‘۔

سوال یہ ہے کہ پھر ایسی کیا بات ہے جس نے گوری  کو عامر خان سے محبت کیلئے قائل کیا ؟

بھارتی میڈیا کے مطابق عامر کے ہمراہ صحافیوں سے گفتگو کے دوران  گوری اسپریٹ نے عامر سے محبت کیوں کی ؟ کے سوال پر بتایا کہ ’میں اپنے لیے کسی ایسے شخص کی تلاش میں تھی جو مہربان، شریف اور خیال رکھنے والا ہو‘۔

 گوری کی گفتگو پر عامر نے خوش مزاجی سے جواب دیتے ہوئے کہاکہ  ’اس سب کے بعد تم نے مجھے ڈھونڈ لیا‘۔

60 ویں سالگرہ پر عامر خان نے نئی گرل فرینڈ کا انکشاف کردیا، تفصیل بھی بتادی

اب ہم پارٹنر ہیں، ہم ایک دوسرے کے لیے کافی سنجیدہ ہیں اور ڈیڑھ سال سے ساتھ ہیں: بالی وڈ اسٹار کی میڈیا سے گفتگو

دوران گفتگو گوری سے صحافیوں نے جب عامر کی پسندیدہ فلموں سے متعلق سوال کیا تو انہوں نے بتایا کہ ’میں نے عامر کی بہت سی فلمیں نہیں دیکھی ہیں‘۔

اس پر عامر نے وضاحت دی کہ ’ گوری بنگلور میں پلی بڑھی ہیں جہاں ان کی توجہ مختلف قسم کے فنون سے تھی اور یہی وجہ ہے کہ گوری بالی وڈ  کی فلمیں نہیں دیکھتی حتیٰ کہ گوری نے میرا کام بھی زیادہ نہیں دیکھا ‘۔

اسی دوران گوری اسپریٹ نے بتایا کہ میں نے کئی برس پہلے عامر کی فلم ’ دل چاہتا ہے‘ اور ’لگان ‘دیکھی ہے۔

گوری سے تعلق پر بات کرتے ہوئے عامر خان نے مزید بتایا تھا کہ ’وہ مجھے ایک سپر اسٹار کے طور پر نہیں بلکہ ایک پارٹنر کے طور پر دیکھتی ہیں۔

مزید برآں گوری سے محبت کرنے کے سوال پر عامر  خان کا کہنا تھا کہ ’میں کسی ایسے شخص کی تلاش میں تھا جو مجھے سکون فراہم کرسکے  اور گوری میں مجھے یہ سکون مل گیا‘۔