18 مارچ ، 2025 
انٹرٹینمنٹ
اے آر رحمان حال ہی میں لندن کے دورے سے واپس آئے تھے جس پر انہیں اپنی طبیعت بہتر نہ لگی: بھارتی میڈیا/ فائل فوٹو
اے آر رحمان اسپتال سے ڈسچارج، بہن نے دل میں تکلیف کی خبروں کو مسترد کردیا
18 مارچ ، 2025
بھارت: بالی وڈ کے لیجنڈ گلوکار اور آسکر ایوارڈ یافتہ کمپوزر اے آر رحمان چنئی کے نجی اسپتال سے ڈسچارج ہوگئے۔
بھارتی میڈیا میں دعویٰ کیا گیا ہے کہ گلوکار کو سینے میں تکلیف کے باعث اسپتال میں داخل کیا گیا تھا تاہم اس خبر کو ان کی بہن فاطمہ نے بے بنیاد قرار دیا۔
بھارتی میڈیا کو دیے گئے انٹرویو میں گلوکار کے ترجمان نے بتایا تھا کہ وہ حال ہی میں لندن کے دورے سے واپس آئے تھے جس پر انہیں اپنی طبیعت بہتر نہ لگی اور وہ چیک اپ کیلئے اسپتال گئے تھے۔
ترجمان کے مطابق ڈاکٹرز نے رمضان میں روزے رکھنے کی وجہ سے جسم میں پانی کی کمی کی شکایت بتائی تھی۔
میڈیا رپورٹس کے مطابق ضروری طبی معائنے کے بعد گلوکار کو ڈسچارج کردیا گیا۔
