دہشتگرد قوم کو تقسیم کرنا چاہ رہے ہیں، ان عناصر کو ہر قیمت پر شکست دیں گے، صدر زرداری

صدر مملکت آصف زرداری کا کہنا ہے کہ دہشت گرد قوم کو تقسیم کرنا چاہ رہے ہیں، ہم ان دہشت گرد عناصر کو ہر قیمت پر شکست دیں گے، صورت حال واضح ہے، ریاست نے قائم رہنا ہے، دہشت گردی کےخلاف جنگ جیتنی ہے۔

بدھ کو صدر مملکت آصف علی زرداری ایک روزہ دورہ پر کوئٹہ پہچنے جہاں انہوں نے  امن و امان کی صورتحال پر اہم اجلاس کی صدارت کی جبکہ انہوں نے بلوچستان کی پارلیمانی پارٹیوں کے اراکین سے ملاقات بھی کی۔

صدر مملکت آصف علی زرداری کی زیر صدارت کوئٹہ میں امن و امان کی صورتحال پر اہم اجلاس ہوا جس میں چیئرمین پیپلزپارٹی بلاول بھٹو زرداری نے خصوصی شرکت کی۔

اجلاس میں وزیر اعلیٰ بلوچستان سرفراز بگٹی نے شرکا کو خصوصی بریفنگ دی۔

صدر زرداری نے کہا کہ دہشت گرد عناصر کو ہر قیمت پر شکست دیں گے، دہشت گرد قوم کو تقسیم کرنا چاہ رہے ہیں، صورتحال واضح ہے ریاست نے رہنا ہے،دہشت گردی کے خلاف جنگ جیتنی ہے۔

بلوچستان دل کے قریب ہے،صوبے کی ترقی اور پائیدار امن چاہتے ہیں: صدر 

صدر مملکت کا کہنا تھا کہ انسداد دہشت گردی ونگ کو جدید اسلحہ فراہم کریں گے، بلوچستان دل کے قریب ہے،صوبے کی ترقی اور پائیدار امن چاہتے ہیں۔

انہوں نے کہا کہ وہ بلوچستان کے ہر بچے کو اسکول میں دیکھنا چاہتے ہیں، جدید ٹیکنالوجی سے بچوں کو روشناس کروانا وقت کی ضرورت ہے۔

اجلاس میں قائم مقام گورنربلوچستان عبدالخالق اچکزئی،چیف سیکرٹری شکیل قادر، آئی جی بلوچستان سمیت اعلیٰ حکام بھی شریک ہوئے۔

صدر سے بلوچستان کی پارلیمانی پارٹیوں کے اراکین کی ملاقات

صدر آصف زرداری سے بلوچستان کی پارلیمانی پارٹیوں کے اراکین نے ملاقات بھی کی۔ اس موقع پرصدر مملکت نے کہا کہ ہم سب کو ان کا حق دینا چاہتے ہیں، حقوق چھیننا نہیں چاہتے،حقوق دیکر ہی لوگوں کا دل جیتیں گے، عید کے بعد بلوچستان میں کیمپ لگائیں گے، تفصیل سے ہر کسی کو سنیں گے۔

صدر مملکت نے کہا کہ ہمارے اقدامات بلوچستان کی تاریخ میں سنہرے الفاظ میں یاد رکھے جائیں گے۔

اس کے علاوہ پارلیمانی لیڈرز نے صوبے کو درپیش مسائل اور عوامی بہبود پر مختلف تجاویز بھی پیش کیں۔

افغانستان دہشتگردوں کی آماجگاہ بن چکا، دنیا کو افغان حکومت کے کردار سے آگاہ کرنا ہوگا: بلاول

پیپلزپارٹی پاکستان سے انتہاپسندی اور دہشتگردی کے خاتمے کیلئے ہرطرح کی مدد کوتیار ہے، یہ اہم قومی مسئلہ ہے جس میں اگرمگر کی گنجائش نہیں: پی پی چیئرمین

صدر زرداری نے امن و امان سے متعلق اہم اجلاس آج طلب کرلیا

اجلاس میں وفاقی وزیر داخلہ محسن نقوی، وزیراعلیٰ سندھ مراد علی شاہ، صوبائی وزیر داخلہ اور آئی جی سندھ سمیت انٹیلی جنس حکام شرکت کریں گے