20 مارچ ، 2025 
چیمپئنز ٹرافی میں فتح، بھارتی بورڈ نے ٹیم کیلئے بڑے نقد انعام کا اعلان کردیا
20 مارچ ، 2025
بھارتی کرکٹ بورڈ (بی سی سی آئی) نے چیمپئنز ٹرافی میں جیت کے بعد اپنی ٹیم کے لیے بڑے انعام کا اعلان کردیا۔
بی سی سی آئی کے مطابق چیمپئنز ٹرافی جیتنے پر بھارتی ٹیم کو 58 کروڑ بھارتی روپے دیے جائیں گے۔
بی سی سی آئی کا کہنا ہےکہ بھاری انعامی رقم ٹورنامنٹ میں فتح کاحصہ بننے والے کھلاڑیوں، کوچنگ، عملے اور سلیکشن کمیٹی کے ارکان میں تقسیم کی جائے گی۔
اس سے قبل پاکستان کی میزبانی میں کھیلی جانے والی چیمپئنز ٹرافی جیتنے پر انٹرنیشنل کرکٹ کونسل (آئی سی سی) کی جانب سے فاتح بھارتی ٹیم کو 22 لاکھ 40 ہزار ڈالرز کی رقم دی گئی۔
اس کے علاوہ رنر اپ ٹیم جو کہ نیوزی لینڈ تھی، اسے 11 لاکھ 20 ہزار ڈالرز کی رقم ملی۔
واضح رہے کہ 9 مارچ کو چیمپئنز ٹرافی کا فائنل نیوزی لینڈ اور بھارت کی ٹیموں کے درمیان کھیلا گیا جس میں بھارتی سورماؤں نے کیویز کو 4 وکٹوں سے شکست دی۔
