21 مارچ ، 2025 
کراچی کے مختلف علاقوں میں ٹریفک حادثات، 3 افراد جاں بحق
21 مارچ ، 2025
کراچی میں مختلف ٹریفک حادثات میں موٹرسائیکل سوار 3 افراد جابحق ہوگئے، رواں سال میں اب تک مجموعی طور پر ٹریفک حادثات میں 207 افراد جان کی بازی ہار گئے۔
جوہر موڈ کے قریب تیز رفتار سیمنٹ میکسچر کی ٹکر سے 25 سالہ موٹرسائیکل سوار عبدالصبور جاں بحق ہوگیا۔
موقع پر موجود مشتعل افراد نے سیمنٹ میکسچر کو آگ لگا دی۔ پولیس نے موقعے سے ڈرائیور کو گرفتار کرلیا۔
لیاقت آباد 10نمبر پر بھی ڈمپر کی ٹکر سے موٹرسائیکل سوار جاں بحق ہوگیا جبکہ کیماڑی ایک نمبر میں گاڑی کی ٹکر سے موٹرسائیکل سوار شخص زندگی کی بازی ہار گیا۔
رواں سال میں اب تک مجموعی طور پر مختلف ٹریفک حادثات میں 207 افراد جاں بحق ہوگئے اور 2 ہزار 623 افراد زخمی ہوئے ہیں۔
شہر میں ڈمپر کی ٹکر سے 17، ٹریلر سے 22، واٹر ٹینکر سے 12 مسافر، بسوں سے 13 افراد جاں جق ہوچکے ہیں۔
تاہم ٹریفک پولیس حکام اور انتظامیہ کے حادثات کی روک تھام کے دعوؤں کے باجود کوئی کمی نہیں آرہی ہے ۔
