21 مارچ ، 2025 
پاکستان اور نیوزی لینڈ کا تیسرا ٹی ٹوئنٹی میچ، قومی کھلاڑیوں نے دوران میچ افطار کیا
21 مارچ ، 2025
پاکستان اور نیوزی لینڈ کے درمیان ہونے والے میچ میں قومی ٹیم کے کھلاڑیوں نے میدان میں روزہ افطار کیا۔
پاکستان اور نیوزی لینڈ کے درمیان آج تیسرا ٹی ٹوئنٹی کھیلا جارہا ہے جس دوران افطار کا وقت ہوا اور قومی ٹیم کے کھلاڑیوں نے میدان میں روزہ افطار کیا۔
کھلاڑیوں کو میچ کے 5 اوورز کے بعد افطار کےلیے وقفہ دیا گیا اور پھر کرکٹرز نے افطار کیا۔
نیوزی لینڈ کے خلاف پاکستان ٹیم میں عباس آفریدی اور ابرار احمد کو شامل کیا گیا ہے جب کہ محمد علی اور جہانداد خان ٹیم سے ڈراپ کردیے گئے ہیں۔
قومی ٹیم میں محمد حارث ، حسن نواز، سلمان علی آغا، عرفان نیازی، شاداب خان، عبدالصمد، خوش دل شاہ، شاہین آفریدی اور حارث رؤف شامل ہیں۔
واضح رہے میزبان نیوزی لینڈ کو پاکستان کے خلاف 5 میچز کی سیریز میں دو صفر کی برتری حاصل ہے۔
