22 مارچ ، 2025 
صحافی فرحان ملک 4 روزہ جسمانی ریمانڈ پر ایف آئی اے کے حوالے
22 مارچ ، 2025
کراچی: جوڈیشل مجسٹریٹ شرقی نے صحافی فرحان ملک کو 4 روزہ جسمانی ریمانڈ پر ایف آئی اے کے حوالے کردیا۔
ایف آئی اے نے دو روز قبل سینئر صحافی فرحان ملک کو پیکا قوانین کی خلاف ورزی کے الزام میں گرفتار کیا تھا جس کے بعد اب انہیں4 روزہ جسمانی ریمانڈ پر ایف آئی اے کے حوالے کردیا گیا ہے۔
فرحان ملک کے وکیل نے ایف آئی اے کی جسمانی ریمانڈ کی استدعا کی مخالفت کرتے ہوئے کہا کہ ایف آئی اے نے ہائیکورٹ کے حکم کے برعکس کارروائی کی ہے۔
فرحان ملک کی گرفتاری پر مذمت
دوسری جانب ایسوسی ایشن آف الیکٹرانک میڈیا ایڈیٹرز اینڈ نیوز ڈائریکٹرز (ایمنڈ) اور پاکستان فیڈرل یونین آف جرنلسٹس کی جانب سے فرحان ملک کی گرفتاری کی مذمت کی گئی ہے۔
ایمنڈ نے ایف آئی اے کی کارروائی کو بدنیتی قرار دیتے ہوئے فرحان ملک کی رہائی کا مطالبہ کیا اور کہا کہ پہلے ہی بتایا تھا پیکا قانون کو صحافیوں کے خلاف استعمال کیا جائے گا۔
پی ایف یو جے نے کہا کہ ایف آئی اے کا یہ اقدام آزادی اظہار کو دبانے کی کھلی کوشش ہے۔
مزید برآں کراچی پریس کلب کے صدر فاضل جمیلی اور سیکرٹری سہیل افضل خان نے مذمت کرتے ہوئے کہا ہے کہ حکومت پر تنقید کرنے والے صحافیوں کو انتقامی کارروائیوں کا نشانہ بنایا جانا جمہوریت کی نفی ہے۔
مزید خبریں :
عیدالفطر کیلئے عید اسپیشل ٹرینوں کا شیڈول جاری
5 گھنٹے پہلے
سنّت اعتکاف کی قضا کا حکم اور طریقہ کیا ہے؟
8 گھنٹے پہلے
آج افطاری میں بکلاوا بنائیں اور تعریفیں سمیٹیں
8 گھنٹے پہلے
سندھ حکومت نے عید الفطر کی چھٹیوں کا اعلان کردیا
9 گھنٹے پہلے
