25 مارچ ، 2025 
2025 کا پہلا جزوی سورج گرہن 29 مارچ کو ہوگا، کیا پاکستان میں نظر آئے گا؟
25 مارچ ، 2025
2025 کا پہلا سورج گرہن 29 مارچ کو دیکھنے میں آئے گا۔
یہ جزوی سورج گرہن یورپ، ایشیا، شمالی امریکا، جنوبی امریکا اور بحر اوقیانوس کے کچھ حصوں میں دیکھا جائے گا۔
تاہم پاکستان اور بھارت میں اسے دیکھنا ممکن نہیں ہوگا۔
رواں سال کا دوسرا سورج گرہن 21 ستمبر کو ہوگا۔
سورج گرہن اس وقت ہوتا ہے جب چاند سورج اور زمین کے درمیان آجاتا ہے۔
سورج گرہن کی 4 اقسام ہیں، مکمل، جزوی، رِنگ آف فائر یا annular اور ہائیبرڈ، ان کے ہونے کا انحصار متعدد عناصر جیسے زمین کے مدار میں چاند کی پوزیشن پر ہوتا ہے۔
مکمل سورج گرہن کے دوران چاند مکمل طور پر سورج کو کور کرلیتا ہے جبکہ جزوی گرہن کے دوران ایسا نہیں ہوتا۔
رِنگ آف فائر یا annular گرہن اس وقت ہوتا ہے جب چاند سورج اور زمین کے درمیان اس وقت آتا ہے جب وہ ہمارے سیارے سے سب سے زیادہ دور ہوتا ہے۔
چونکہ چاند زمین سے دور ہوتا ہے تو وہ مکمل طور پر سورج کو بلاک نہیں کرپاتا اور جو نظارہ دیکھنے میں آتا ہے اسے رِنگ آف فائر کہا جاتا ہے۔
ہائبرڈ سورج گرہن سے مراد ایسا گرہن ہوتا ہے جو نہ تو جزوی ہوتا ہے اور نہ ہی مکمل۔
یہ گرہن اس وقت ہوتا ہے جب چاند زمین سے اتنے فاصلے پر ہوتا ہے کہ یہ سورج کو پوری طور پر چھپا لے، لیکن جب یہ حرکت کرتا ہے تو یہ دنیا سے دور ہوتا جاتا ہے اور پورے سورج کو نہیں چھپا پاتا۔
یعنی زمین کے کچھ حصوں پر مکمل سورج گرہن کا نظارہ ہوتا ہے جبکہ دیگر میں جزوی سورج گرہن نظر آتا ہے۔
مزید خبریں :
گوگل میپس کا ایسا دلچسپ فیچر جس کا علم بہت کم افراد کو ہے
25 مارچ ، 2025
چین کا چاند پر ریڈیو ٹیلی اسکوپ کی تعمیر کا منصوبہ
24 مارچ ، 2025
گوگل سرچ میں صحت سے متعلق نئے اے آئی فیچرز کا اضافہ
20 مارچ ، 2025
واٹس ایپ کا میسجز کے حوالے سے اہم تبدیلی کرنیکا اعلان
20 مارچ ، 2025
