27 مارچ ، 2025 
ڈرامہ سیریل ارطغرل غازی کے اداکار کی ویرات کوہلی سے حیرت انگیز مشابہت، تصاویر وائرل
27 مارچ ، 2025
سوشل میڈیا پر بالی وڈ اداکارہ انوشکا شرما کے شوہر اور معروف بھارتی بیٹر ویرات کوہلی کے ہم شکل ترک اداکار کی تصاویر ایک بار پھر وائرل ہو رہی ہیں۔
بھارتی میڈیا کے مطابق سماجی رابطوں کی ویب سائٹ ریڈ اِٹ پر ایک صارف نے ترکیہ کے شہرہ آفاق ڈرامے ارطغرل غازی کے ایک اداکار جاوت جیتن گونر کی تصویر شیئر کی جو کہ کافی حدتک ویرات کوہلی سے مشابہت رکھتے ہیں۔
ریڈ اِٹ صارف نے تصویر کے ساتھ کیپشن میں لکھا 'انوشکا شرما کے شوہر کا ٹی وی شو ڈیبیو'۔ دیکھتے ہی دیکھتے یہ پوسٹ وائرل ہوگئی اور دیگر سوشل میڈیا سائٹس پر بھی صارفین اسے اور اداکار کی مزید تصاویر شیئر کرنے لگے اور کمنٹس سیکشن میں دلچسپ جملوں کی بھرمار ہوگئی۔
ایک صارف نے حیرت کا اظہار کرتے ہوئے کہا کہ مجھے نہ بتائیں کہ یہ ویرات نہیں بلکہ کوئی اور ہے'۔ ایک اور صارف نے لکھا کہ جب میں نے پہلی بار ارطغرل غازی ڈارمے میں اس اداکار کو دیکھا تو میں نے سوچا کہ کوہلی ترک سیریز میں کیا کر رہے ہیں؟'
خیال رہے کہ ڈرامہ سیریل ارطغرل غازی کی کہانی تیرہویں صدی میں مسلمانوں کی عالمی فتوحات کے آغاز اور جدوجہد کی عکاسی کرتی ہے جس کے مرکزی کردار ارطغرل تھے جو کہ سلطنت عثمانیہ کے بانی عثمان اول کے والد تھے۔
ویرات کوہلی سے مشابہت رکھنے والے ترک اداکار جاوت جیتن گونر نے اس ڈرامے میں دوغان بےکا کردار ادا کیا ہے۔ اس سے قبل بھی سوشل میڈیا پر ان کی کوہلی سے مشابہت سے متعلق پوسٹس وائرل ہوچکی ہیں۔
مزید خبریں :
شوبز ستاروں کی عید پر مبارک باد، عید کیسے منائی؟
31 مارچ ، 2025
رام مندر والی گھڑی پہننے پر سلمان خان نئے تنازع میں گھرگئے
29 مارچ ، 2025
