انٹرٹینمنٹ

پاکستانیوں نے ارطغرل غازی کو دنیا بھر میں مقبول بنایا: انگین آلتان کا بیان

12 دسمبر ، 2024

پاکستانیوں نے ارطغرل غازی کو دنیا بھر میں مقبول بنایا: انگین آلتان کا بیان — انگین آلتان نے حال ہی میں سعودی عرب میں منعقد ہونے والے ریڈ سی انٹرنیشنل فلم فیسٹیول میں شرکت کی/فوٹوفائل

شہرہ آفاق ترک ڈرامہ سیریل ارطغرل غازی کے مرکزی کردار انگین آلتان نے ’ارطغرل غازی‘ کی عالمی شہرت کا سہرا پاکستان اور پاکستان کے لوگوں کے سر سجا دیا۔

میڈیا رپورٹس کے مطابق انگین آلتان نے حال ہی میں سعودی عرب میں منعقد ہونے والے ریڈ سی انٹرنیشنل فلم فیسٹیول میں شرکت کی۔

ریڈ سی انٹرنیشنل فلم فیسٹیول کے دوران کی گئی گفتگو میں انگین آلتان کا کہنا تھا کہ ڈرامہ سیریل ’ ارطغرل غاز ی ‘ پر ناظرین نے خاص توجہ دی لیکن اس ڈرامے کو ترکیے اور دنیا بھر کے شائقین کے برعکس پاکستانی شائقین سے زیادہ محبت ملی۔

انگین آلتان کا کہنا تھا کہ ڈرامہ سیریل ’ ارطغرل غازی‘ دنیا بھر میں بالخصوص پاکستان میں بے حد مقبول رہی، اس کردار کو پاکستانی عوام نے بے حد پسند کیا، دنیا بھر کے ناظرین ایک دوسرے سے مماثل ہو سکتے ہیں لیکن پاکستان میں یہ پسند ایک منفرد قسم کی ہے۔

یہ بھی پڑھیں

دوران گفتگو انگین آلتان نے ارطغرل غاز ی کے کردار سے اپنی ذاتی زندگی پر پڑنے والے ا ثر پر بات کرتے ہوئے کہا کہ اس کردار نے مجھے تبدیل کرنے کے بجائے خاصا متاثر کیا، ان کا کہنا تھا کہ اگرچہ میرے لیے ہر کردار اہم ہے لیکن ارطغرل خاص تھا کیونکہ اس نے مجھے پوری دنیا میں مقبولیت بخشی‘۔

مزید برآں انگین آلتان نے مستقبل میں جدید ترکیے کے بانی مصطفیٰ کمال اتاترک کا کردار ادا کرنے کی خواہش کا بھی اظہار کیا۔