28 مارچ ، 2025 
پاکستان
عدالت نے وحید مراد کی جانب سے مچلکے کم کرنے کی استدعا بھی منظور کرلی/ فائل فوٹو
صحافی وحید مراد کی درخواست ضمانت منظور، رہا کرنے کا حکم
28 مارچ ، 2025
اسلام آباد: عدالت نے صحافی وحید مراد کی درخواست ضمانت منظور کرتے ہوئے انہیں رہا کرنے کا حکم دیدیا۔
اسلام آباد کی مقامی عدالت میں جوڈیشل مجسٹریٹ عباس شاہ نے صحافی وحید مراد کی درخواست ضمانت پر سماعت کی۔
عدالت نے صحافی وحید مراد کی 50 ہزار روپے کے مچلکوں کے عوض ضمانت منظور کرلی اورانہیں رہا کرنے کا حکم دیا۔
بعد ازاں عدالت نے وحید مراد کی جانب سے مچلکے کم کرنے کی استدعا بھی منظور کرلی اور ضمانت 50 ہزار مچلکوں سے کم کر 20 ہزار روپے کردی۔
واضح رہے کہ صحافی وحید مراد کو 2 روز قبل اسلام آباد سے گرفتار کیا گیا تھا۔
