28 مارچ ، 2025 
ٹرمپ کا کینیڈین وزیراعظم مارک کارنی سے ’انتہائی مفید‘ گفتگو کا دعویٰ
28 مارچ ، 2025
واشنگٹن: امریکی صدر ڈونلڈ ٹرمپ نے آج کینیڈا کے وزیراعظم مارک کارنی کے ساتھ ہونے والی گفتگو کو ’انتہائی مفید‘ قرار دیا اور اعلان کیا کہ دونوں رہنما کینیڈین انتخابات کے بعد ملاقات کریں گے۔
کینیڈین وزیر اعظم کے ساتھ ٹیلیفونک گفتگو کے بعد ٹرمپ نے اپنے سوشل میڈیا پلیٹ فارم 'ٹروتھ سوشل' پر لکھا کہ ’یہ ایک انتہائی مفید گفتگو تھی، ہم بہت سے معاملات پر متفق ہیں اور کینیڈا کے آئندہ انتخابات کے فوراً بعد ملاقات کریں گے تاکہ سیاست، تجارت اور دیگر اہم امور پر کام کیا جاسکے‘۔
ٹرمپ نے مزید کہا کہ یہ پیش رفت ’امریکا اور کینیڈا دونوں کے لیے بہترین ثابت ہوگی‘۔
دوسری جانب کینیڈین وزیراعظم مارک کارنی یا ان کے دفتر کی جانب سے ابھی تک اس کال پر کوئی ردعمل سامنے نہیں آیا۔
یہ گفتگو ایسے وقت میں ہوئی ہے جب ایک روز قبل ہی کینیڈین وزیر اعظم مارک کارنی نے کینیڈا کی معیشت کا امریکا پر انحصار کم کرنے کا عزم ظاہر کیا تھا۔
کینیڈین وزیر اعظم نے کہا تھا کہ امریکا کے ساتھ ہماری معیشتوں کے مضبوط انضمام، سخت سکیورٹی اور فوجی تعاون پر مبنی تعلقات ختم ہوگئے ہیں۔
خیال رہے کہ امریکا اور کینیڈا طویل عرصے سے قریبی اتحادی اور تجارتی شراکت دار رہے ہیں تاہم حالیہ مہینوں میں ان ممالک کے تعلقات میں تناؤ پیدا ہوا ہے۔
اس کی ایک بڑی وجہ ٹرمپ کی جانب سے عہدہ سنبھالنے کے بعد ٹیرف کے اعلانات اور کینیڈا کو امریکا کی 51ویں ریاست بنانے سے متعلق بیانات سمجھے جا رہے ہیں، ٹرمپ کی جانب سے 2 اپریل کو ممکنہ ٹیرف کا اعلان بھی متوقع ہے۔
مزید خبریں :
بھارتی شہر کولکتہ کے ہوٹل میں آگ لگنے سے 14 افراد ہلاک
30 اپریل ، 2025
'میں پوپ بننا چاہوں گا'، ٹرمپ کا ازراہ مذاق بیان
30 اپریل ، 2025
سوئیڈن: موسم بہار کے تہوار کے موقع پر فائرنگ سے 3 افراد ہلاک
30 اپریل ، 2025
