29 مارچ ، 2025 
عوامی نیشنل پارٹی کے سربراہ ایمل ولی خان کا کل عید الفطر منانے کا اعلان
29 مارچ ، 2025
عوامی نیشنل پارٹی (اے این پی) کے سربراہ و سینیٹر ایمل ولی خان نے عید الفطر کل منانے کا اعلان کردیا۔
اپنے بیان میں ایمل ولی خان کا کہنا تھاکہ رمضان المبارک کی طرح عید بھی مسلم دنیا کے ساتھ منائیں گے اور شوال کا چاند نظر آ گیا ہے۔
انہوں نے کہا کہ تمام دنیا کے مسلمانوں بالخصوص خیبر پختونخوا اور بلوچستان کے مظلوم مسلمانوں کو دل کی گہرائیوں سے عیدالفطر کی مبارکباد دیتا ہوں۔
ان کا مزیدکہنا تھاکہ حالات کے پیش نظر اس عید پر ولی باغ میں ملاقات ممکن نہیں ہوگی، غربا، ضرورت مندوں اور بے سہارا افراد کا خصوصی خیال رکھیں۔
خیال رہے کہ سعودی عرب سمیت کئی خلیجی ممالک میں شوال کا چاند نظر آگیا اور کل عید الفطر منائی جائے گی۔ ملک میں آج 28 واں روزہ تھا اور شوال کا چاند دیکھنے کیلئے کل مرکزی رویت ہلال کمیٹی کا اجلاس ہوگا۔
مزید خبریں :
بلوچستان کے ضلع بارکھان میں زلزلے کے جھٹکے
8 گھنٹے پہلے
