30 مارچ ، 2025 
جرائم
کراچی: نشئی ناتھا خان پُل سے سریا چوری کرنے لگے، پُل کی بنیادیں کمزور ہونے کا خدشہ
30 مارچ ، 2025
کراچی کے مصروف ترین فلائی اوور ناتھا خان پُل سے نشئی سریا چوری کرنے میں مصروف ہو گئے۔
سریا چوری ہونے کی وجہ سے ناتھا خان پُل کی بنیادوں کے کمزور ہونے کا خدشہ بڑھ گیا ہے۔
نشے میں مبتلا افراد نے کچھ جگہوں پر سریہ کاٹ کر پلرز کا آدھا حصہ گرا دیا جو خطرے کی گھنٹی بجا رہا ہے۔
دوسری جانب حال ہی میں مرمت شدہ پُل کے مختلف حصوں میں بھی سریہ نیچے کی طرف مڑنا شروع ہو گیا، جس سے معلوم ہوتا ہے کہ مرمت کے بعد فنیشنگ میں معیار کا خیال نہیں رکھا گیا۔
