31 مارچ ، 2025 
66 سالہ خاتون کے ہاں دسویں بچے کی پیدائش
31 مارچ ، 2025
جرمنی میں 66 سال کی عمر میں خاتون کے ہاں پچے کی پیدائش ہوئی ہے۔
غیر ملکی میڈیا رپورٹس کے مطابق 66 سالہ خاتون الیگزینڈرا ہلڈبرانڈٹ نے 19 مارچ کو برلن کے اسپتال میں بیٹے کو جنم دیا۔ یہ ان کا دسواں بچہ ہے۔
ڈاکٹروں کا کہنا ہے کہ خاتون نے آئی وی ایف طریقہ علاج کے بغیر بچے کو قدرتی طور پر جنم بچہ دیا، بچہ بالکل صحت مند پیدا ہے، جس کا وزن 7 پاؤنڈ اور 13 اونس ہے۔
رپورٹ میں بتایا گیا کہ الیگزینڈرا برلن میں واقع وال میوزیم کی مالکن ہیں۔ان کے ہاں پہلے بچے کی پیدائش 1970 کی دہائی کے آخر میں ہوئی تھی اس کے بعد انہوں نے 50 سال کی عمر کے بعد مزید 8 بچوں کو جنم دیا۔ان کی سب سے بڑی بیٹی کی عمر 46 سال ہے۔
خاتون کا کہنا ہے کہ ایک بڑا خاندان نہ صرف ایک خوبصورت چیز ہے، بلکہ سب سے بڑھ کر، یہ بچوں کی مناسب پرورش کے لیے بہت اہم ہے۔
بغیر کسی پیچیدگی کے 66 سال کی عمر میں بچے کو جنم دینے سے متعلق الیگزینڈرا کا کہنا ہے کہ میں بہت صحت مند غذا کھاتی ہوں، روزانہ ایک گھنٹہ تیرتی ہوں، 2 گھنٹے دوڑتی ہوں، نہ سگریٹ پیتی ہوں اور نہ ہی شراب نوشی کرتی ہوں اور میں نے کبھی مانع حمل کا استعمال نہیں کیا۔
انہوں نے مزید کہاکہ معاشرے میں بچوں کے لیے ناپسندیدگی کا رجحان بڑھ رہا ہے۔ اگر لوگ بچوں کے ساتھ وقت گزاریں تو وہ اپنی رائے بدل لیں گے۔ ہمیں مزید بچوں کی پیدائش کی حوصلہ افزائی کرنی چاہیے۔
یہ پہلی بار نہیں کہ کسی خاتون نے اتنی زیادہ عمر میں بچے کو جنم دیا ہو۔ نومبر 2023 میں، یوگنڈا کی صفینہ نمکویہ نے 70 سال کی عمر میں جڑواں بچوں کو جنم دیا، اگرچہ یہ عمل آئی وی ایف کے ذریعے ممکن ہوا تھا۔
مزید خبریں :
زیادہ کرایوں سے پریشان خاتون نے ٹوائلٹ کو اپنا گھر بنالیا
30 مارچ ، 2025
تولیے میں یہ لکیریں کیوں موجود ہوتی ہیں؟
30 مارچ ، 2025
