03 اپریل ، 2025 
عالمی منڈی میں خام تیل کی قیمتوں میں 7 فیصد تک کمی ہوگئی
03 اپریل ، 2025
لندن: عالمی منڈی میں خام تیل کی قیمتوں میں 7 فیصد تک کمی ہوئی ہے۔
برطانوی خام تیل برینٹ آئل 70 ڈالر فی بیرل میں فروخت ہورہا ہے جب کہ امریکی خام تیل ڈبلیو ٹی آئی کی قیمت 66 ڈالر فی بیرل کی سطح پر موجود ہے۔
گیس کی قیمت 2 فیصد اضافے سے 4 ڈالر 14 سینٹس فی ایم ایم بی ٹی یو ہے۔
خبر ایجنسی کے مطابق امریکی صدر ڈونلڈٹرمپ کی جانب سے 100 سے زائد ممالک پر بھاری ٹیرف عائدکرنےکے بعد عالمی منڈی میں تیل کی قیمتیں متاثر ہوئیں۔
اس کے بعد تیل پیدا کرنے والے ممالک کے اتحاد اوپیک پلس گروپ کی جانب سے پیداوار میں طے شدہ وقت سے قبل اضافےکے اعلان نے عالمی منڈی میں تیل کی قیمتوں کی گراوٹ میں مزید اضافہ کردیا۔
آج ہونے والے اوپیک پلس گروپ کے اجلاس میں فیصلہ کیا گیا کہ مئی سے یومیہ 4 لاکھ 11 ہزار بیرل تیل کی پیداوار کی جائےگی۔ اس سے قبل گروپ نے ایک لاکھ 35 ہزار بیرل یومیہ تیل مارکیٹ میں لانےکا ہدف مقرر کیا تھا۔
مزید خبریں :
پاکستان کا مجموعی قرضہ 74 ہزار ارب روپے سے بڑھ گیا
1 گھنٹے پہلے
پاکستان میں مہنگائی میں کمی، عوام کے لیے خوشخبری
03 اپریل ، 2025
ملک میں سونےکی قیمت نئی ریکارڈ بلندی پر پہنچ گئی
03 اپریل ، 2025
آئی ایم ایف ٹیم بجٹ کی تیاری کیلئے کل سے پاکستان کا دورہ کریگی
03 اپریل ، 2025
وزیراعظم کا کل قوم سے خطاب، بڑی خوشخبری کا اعلان کریں گے
02 اپریل ، 2025
