04 اپریل ، 2025 
بھارت: ہندو انتہا پسند جماعت شیوسینا نے بھی متنازع 'وقف ترمیمی بل' کی مخالفت کردی
04 اپریل ، 2025
نئی دہلی: بھارتی لوک سبھا کے بعد متنازع وقف ترمیمی بل ایوان بالا راجیا سبھا سے بھی منظور ہوگیا جبکہ بل کی مخالفت میں احتجاج بھی جاری ہے۔
بھارتی لوک سبھا نے گزشتہ روز حکومت کی جانب سے پیش کردہ متنازع ’وقف ترمیمی بل‘ منظور کر لیا تھا جس کی کانگریس ارکان کی جانب سے شدید مخالفت کی گئی تھی۔
رپورٹ کے مطابق متنازع بل کو اب بھارتی ایوان بالا راجیا سبھا نے بھی منظور کرلیا ہے جہاں بل کے حق میں 128 اور مخالفت میں 95 ووٹ پڑے جبکہ بل کو حتمی منظوری کے لیے صدر کو بھیجا جائے گا۔
بھارتی میڈیاکے مطابق متنازع وقف بل کے خلاف کلکتہ، چنئی اور احمد آباد سمیت مختلف شہروں میں بڑےپیمانے پر احتجاجی مظاہرے بھی کیے گئے۔
دوسری جانب متنازع وقف ترمیمی بل کےخلاف کانگریس کے بعد اب سخت گیر ہندو تنظیم شیوسینا بھی بول پڑی ہے۔
ایوان بالا میں مہاراشٹرا سے شیوسینا کے رکن سنجے راوت نے کہا مودی حکومت مسلمانوں کے بارے میں اتنی فکرمند ہو رہی ہے جتنا شاید محمد علی جناح بھی نہیں ہوئے ہوں گے۔
شیوسینا رکن اسمبلی نے کہا مسلمانوں کو دہشتگرد اور غدار کہنے والی بےجے پی کا مسلمانوں کی وقف جائیدادیں بیچ کرمسلمان لڑکیوں کی شادی کروانےکا اعلان دھوکے کے سوا کچھ نہیں ہے۔
