06 اپریل ، 2025 
چین اور دوسرے ملکوں نے ہمیں اتنا نقصان پہنچایا کہ اس نقصان کیساتھ گزارا نہیں تھا: ٹرمپ
06 اپریل ، 2025
امریکا کے صدر ڈونلڈ ٹرمپ نے کہا ہے کہ امریکی ٹیرف سے چین کو ہونے والا نقصان امریکا سے بہت زیادہ ہے۔
سوشل میڈیا پر جاری بیان میں صدر ٹرمپ نے کہا کہ چین اور دوسرے بہت سے ملکوں نے ہمیں اتنا نقصان پہنچایا کہ اس نقصان کے ساتھ گزارا نہیں کیا جا سکتا تھا، ہمیں ان ملکوں نے وہ ٹکٹکی سمجھا ہوا تھا جس کے ساتھ باندھ کر کوڑے لگائے جاتے ہیں۔
انہوں نے مزید کہا کہ امریکا میں اتنی زیادہ نوکریاں اور کاروبار واپس لا رہے ہیں جتنے پہلے اس ملک میں کبھی نہیں آئے تھے۔
ٹرمپ نے کہا کہ ابھی سے امریکا میں پانچ کھرب ڈالر کی سرمایہ کاری آ چکی ہے اور اس میں تیزی سے اضافہ ہو رہا ہے، یہ معاشی انقلاب ہے اور ہم جیتیں گے، مضبوطی سے جڑے رہیے، یہ سب آسان نہیں ہوگا لیکن اس کا آخری نتیجہ تاریخی ہو گا، ہم امریکا کو ایک بار پھر عظیم بنائیں گے۔
مزید خبریں :
اسرائیل پر حملے روکنے کی قیمت، کروڑوں ڈالرز
2 گھنٹے پہلے
حماس نے اسرائیل پر راکٹ داغ دیے، عسقلان میں نقصانات
7 گھنٹے پہلے
برطانیہ کی 2 اراکین پارلیمنٹ کو اسرائیل میں داخلے سے روک دیا گیا
06 اپریل ، 2025
